பிரான்ஸ் நாட்டில் சாதனை படைத்த ‘சர்கார்’!

சன் பிக்சர்ஸ் தயாரிப்பில், ஏ.ஆர்.முருகதாஸ் இயக்கத்தில் விஜய் நடிப்பில் கடந்த தீபாவளியன்று உலகம் முழுவதும் வெளியான படம் ‘சர்கார்’. இந்தப் படத்தில் தற்போது அரசியல் நிலவரம் குறித்து கடுமையாக விமர்சிக்கப்பட்டு இருந்தது.

இந்தப் படத்திற்கு எதிர்ப்பு தெரிவித்து அதிமுகவினர் ஆர்ப்பாட்டம் செய்தனர். இதனால் படத்தில் இடம்பெற்ற சர்ச்சைக்குரிய காட்சிகள் நீக்கப்பட்டு பின்னர் திரையிடப்பட்டது. இதற்கிடையே போராட்டங்கள் காரணமாக சர்கார் படத்துக்கு பெரும் விளம்பரம் கிடைத்தது. இதனால் கலவையான விமர்சனங்களை சந்தித்த போதும், பல ஆயிரம் பேர் திரையரங்கில் சென்று ‘சர்கார்’ படத்தை பார்த்தனர்.

வெளியான இரண்டு வாரத்தில் ‘சர்கார்’ 200 கோடியை வசூலித்ததாக கூறினர். மேலும் ‘சர்கார்’ வெளிநாடுகளிலும் வசூல் சாதனை படைத்து வருகிறது. பிரான்ஸ் நாட்டில் ‘சர்கார்’ வெளியாகி மூன்று வாரமாகியும் வெற்றிகரமாக ஓடிக் கொண்டிருக்கிறது.

‘சர்கார்’ படத்தின் பிரான்ஸ் நாட்டு உரிமையை நைட் ஈடி பிலிம்ஸ் வாங்கி அங்கு திரையிட்டுள்ளது. அந்த நிறுவனம் தனது டுவிட்டர் பக்கத்தில் ‘‘சர்கார்’ திரைப்படம் மூன்றாவது வாரத்தை கடந்து ஓடி, வசூலில் டாப் 4வது இடத்தை பிடித்துள்ளது’’ என்று கூறியுள்ளது.