கேரள நிவாரண நிதிக்கு நடிகர் விஷால் 10 லட்சம் உதவி!

சென்னை: வெள்ளத்தால் பாதிக்கப்பட்ட கேரள நிவாரண நிதிக்கு நடிகர் விஷால் 10 லட்சம் நிதியுதவி வழங்கி உள்ளார்.

கேரளாவில் கடந்த 50 ஆண்டுகளில் இல்லாத அளவு அதிகனமழை பெய்து வருகிறது. இதனால் மாநிலம் முழுவதும் வெள்ளக்காடாகக் காட்சியளிக்கிறது. ஆயிரகணக்கான வீடுகள் நீரில் மூழ்கி, ஏராளமான மக்கள் உடமைகளை இழந்து தவித்து வருகின்றனர். இந்த நிலையில் வெள்ளம் மற்றும் நிலச்சரிவில் சிக்கி இதுவரை 73 பேர் உயிரிழந்துள்ளனர்.

இந்த நிலையில் வெள்ளத்தில் சிக்கித்தவிக்கும் கேரளாவுக்கு உதவிக்கரம் நீட்ட பல மாநிலங்களும் முன்வந்துள்ளன. தமிழக முதல்வர் பழனிசாமி 5 கோடியும். புதுச்சேரி முதல்வர் நாரயணசாமி ஒரு கோடி ரூபாய் நிதியும் முதலமைச்சர் பொது நிவாரண நிதியில் வழங்குவதாக அறிவித்துள்ளனர்.

இந்த நிலையில் நடிகர் விஷால் வெள்ளதால் பாதிக்கப்பட்ட கேரள மக்களுக்கு உதவ முன்வந்துள்ளனர். கேரள முதல்வரின் வெள்ள நிவாரணத்திற்கு ரூ. 10 லட்சம் நிதியுதவி வழங்கி உள்ளார்.