Vishal: அடக்கடவுளே.. படப்பிடிப்பு தளத்தில் விபத்தில் சிக்கிய விஷால்: கவலையில் ரசிகர்கள்.!

விஷாலின் முதல் பான் இந்தியா படமாக லத்தி உருவாகி வருகிறது. அறிமுக இயக்குனர் வினோத் குமார் இயக்கும் இந்தப்படத்தின் படப்பிடிப்பு தற்போது விறுவிறுப்பாக நடைபெற்று வருகிறது. 'லத்தி' படத்தில் விஷாலுக்கு ஜோடியாக நடிகை சுனைனா நடித்து வருகிறார்.

நடிகர் விஷால் நடிப்பில் வெளியான எனிமி, வீரமே வாகை சூடவா போன்ற படத்தை தொடர்ந்து தற்போது இவர் நடிப்பில் உருவாகிக் கொண்டிருக்கும் படம் லத்தி. இப்படத்தை ராணா புரொடக்ஷ்ன்ஸ் சார்பில் விஷாலின் நண்பர்களான நடிகர் ரமணா, நந்தா இணைந்து தயாரித்து வருகின்றனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இப்படத்தின் படப்பிடிப்பு கடந்த ஜனவரியில் நடைபெற்ற போது நடிகர் விஷால் கையில் காயம் ஏற்பட்டது. இதனால், லத்தி படத்தின் படப்பிடிப்பு சில நாட்கள் ரத்தானது. பிறகு கேரளாவுக்கு சென்று சிகிச்சை எடுத்து கொண்டு மீண்டும் படப்பிடிப்பில் கலந்து கொண்டார்.

இந்நிலையில் தற்போது ஒரு சண்டைக் காட்சியை படமாக்கும் போது நடிகர் விஷாலுக்கு காலில் அடி விழ, துடிதுடித்து கீழே விழுந்தார். உடனே அவருக்கு முதலுதவி சிகிச்சை அளிக்கப்பட்டு மருத்துவமனைக்கு அழைத்துச்சென்றனர். இதனால், லத்தி படத்தின் படப்பிடிப்பு ரத்து செய்யப்பட்டது.

Vikram: 'விக்ரம்' படத்தை புகழ்ந்து தள்ளிய சூப்பர் ஸ்டார்.. லோகேஷுக்கு ஸ்பெஷல் பாராட்டு..!

'லத்தி' படப்பிடிப்பு தளத்தில் இரண்டாவது முறையாக விஷால் விபத்துக்குள்ளாகியுள்ளது ரசிகர்கள் மத்தியில் கவலையை ஏற்படுத்தியுள்ளது. தமிழ், தெலுங்கு, மலையாளம், கன்னடம், இந்தி ஆகிய ஐந்து மொழிகளில் லத்தி படம் வெளியாகவுள்ளது. இப்படத்திற்கு யுவன் ஷங்கர் ராஜா இசையமைப்பது குறிப்பிடத்தக்கது.