இறுதிக்கட்ட படப்பிடிப்பில் 'வீரமே வாகை சூடும்': நடிகர் விஷால் அறிவிப்பு!

நடிகர் விஷால் நடிப்பில் அடுத்தடுத்து படங்கள் ரிலீசாக ரெடியாகி வருகின்றன. இருமுகன் படத்தை இயக்கிய இயக்குநர் ஆனந்த் சங்கர் இயக்கத்தில் விஷால் மற்றும் ஆர்யா இணைந்து நடித்துள்ள 'எனிமி' படம் விரைவில் திரையரங்குகளில் வெளியாகும் என எதிர்பார்க்கப்படுகிறது. இந்நிலையில் தனது அடுத்த படம் குறித்த முக்கியமான அப்டேட் ஒன்றை வெளியிட்டுள்ளார் நடிகர் விஷால்.

'எனிமி' படத்தில் நடித்து கொண்டிருக்கும் போதே 'வீரமே வாகை சூடும்' படத்தை தொடங்கினார் விஷால். து.பா.சரவணன் என்பவர் இயக்கும் இந்தப்படத்தை விஷாலே தயாரிக்கவுள்ளார். யுவன் ஷங்கர் ராஜா இசையமைக்கிறார். நாயகியாக டிம்பிள் ஹயாதி நடிக்கும் இந்தப்படத்தில் பிரகாஷ்ராஜ், பாபுராஜ், யோகி பாபு, மம்தா மோகன்தாஸ் உள்ளிட்டவர்கள் முக்கியமான கதாபாத்திரத்தில் நடிக்கின்றனர்.

அண்மையில் இந்தப்படத்தின் பர்ஸ்ட் லுக் போஸ்டர் வெளியாகி ரசிகர்களிடம் வரவேற்பை பெற்றது. இந்நிலையில், வீரமே வாகை சூடும் படத்தின் இறுதிக்கட்ட படப்பிடிப்பு தொடங்கியதாக நேற்று தனது ட்விட்டர் பக்கத்தில் தெரிவித்துள்ளார் விஷால். மேலும் இந்த ஷெட்யூல்டுடன் படத்தின் மொத்தக் காட்சிகளும் படமாக்கப்பட்டுவிடும் என்றும் அத்துடன், டிசம்பர் மாதம் படம் திரைக்கு வரும் என்பதையும் தனது பதிவில் உறுதி செய்துள்ளார் விஷால்.

நீட் மரணங்களுக்கு நமது உறுதியற்ற நிலைப்பாடுகளே காரணம்: இயக்குனர் பா.ரஞ்சித்!
'வீரமே வாகை சூடும்' படத்தை தொடர்ந்து நடிகர்களில் நெருங்கிய நண்பர்களான ரமணா, நந்தா இருவரும் இணைந்து தங்களது ரமணா புரொடக்‌ஷன்ஸ் நிறுவனம் தயாரிக்கும் புதிய படத்தில் நடிக்கிறார் விஷால். ஏற்கனவே, சன் டிவியில் ஹிட் அடித்த நிகழ்ச்சியான, விஷால் பங்கு பெற்ற “சன் நாம் ஒருவர்” நிகழ்ச்சியை இந்த ராணா புரொடக்‌ஷன்ஸ் தான் தயாரித்தது என்பது குறிப்பிடத்தக்கது.


இந்தப்படத்திற்கு #விஷால்32 என்று தற்காலிக தலைப்பு வைத்துள்ளார்கள். அறிமுக இயக்குனர் A. வினோத்குமர் இயக்கும் இந்தப்படத்திற்கு சாம் சிஎஸ் இசையமைக்கிறார். அண்மையில் சாய் பாபா கோயிலில் விஷாலின் 32 பட பூஜை கோலாகலமாக நடைபெற்றது குறிப்பிடத்தக்கது.