Jwala Gutta: விஷ்ணு விஷாலுக்கு மீண்டும் திருமணமா?

நடிகர் விஷ்ணு விஷால் ”வெண்ணிலா கபடி குழு” படம் மூலம் தமிழ் சினிமாவில் அறிமுகமானவர். பல வெற்றிப்படங்கள் தந்து முன்னனி ஹீரோவாக வலம் வருபவர். இவர் நடிப்பில் கடந்த ஆண்டு வெளியான ”ராட்சசன்” படம் மிகப்பெரிய வெற்றியை அடைந்தது.

இவர் தன் காதல் மனைவி ரஜினியை, கடந்த ஆண்டு விவாகரத்து செய்தார். இவர்களுக்கு ஆர்யன் என்ற மகன் உள்ளார். விவாகரத்துக்குப் பின் தனியாக வசித்து வருகிறார் விஷ்ணு விஷால்.

இந்நிலையில் கடந்த திங்கட்கிழமை பேட்மிட்டன் வீராங்கனை ஜூவால கட்டாவுடன் எடுத்துக் கொண்ட செல்ஃபிக்களை, அவர் தன் டுவிட்டர் பக்கத்தில் பகிர்ந்திருந்தார்.

இதனையடுத்து விஷ்ணு விஷால் ஜூவால கட்டாவை காதலிக்கிறார் எனவும், அவரை திருமணம் செய்வதற்காகவே தன் முதல் மனைவியை பிரிந்தார் எனவும் செய்திகள் பரவின. இதனால் விஷ்ணு விஷால் கடுமையாக விமர்சிக்கப்பட்டார்.

தனியார் பத்திரிக்கைக்கு அளித்த பேட்டியில், இதற்கு விஷ்ணு விஷால் விளக்கமளித்துள்ளார். ஜூவாலா கட்டாவை எனக்கு ஓராண்டு காலமாக தெரியும். எனக்கு அவரைப் பிடிக்கும்.

அவருக்கும் என்னைப் பிடிக்கும். நாங்கள் பொது நண்பர்களோடு வெளியில் செல்வோம். இப்போதைக்கு நாங்கள் நல்ல நண்பர்கள். இது அடுத்த கட்டத்திற்கு செல்லுமா என இப்போது தெரியாது எனக் கூறியுள்ளார்.