என் குரல் போலவே இருக்கு அடப் பாவிகளா! மீம்ஸ் கிரியேட்டர்களை பாராட்டிய விவேக்

விவேக் நடிப்பில் வெளியான பார்த்திபன் கனவு படத்தில் வரும் காமெடி காட்சியில் அவர் பேசிய வசனத்தை கொஞ்சம் உல்டா செய்து, கொரோனா விழிப்புணர்வுக்காக மீம் உருவாக்கியுள்ளனர். அதை விவேக் தனது ட்விட்டர் பக்கத்தில் ஷேர் செய்துள்ளார்.



வீடியோவில் விவேக், தனது மனசாட்சியிடம் பேசுவது போல காட்சி அமைக்கப்பட்டிருக்கிறது.

ச்ச.. சும்மா இருக்குறது எவ்ளோ கடுப்பா இருக்கு.. எல்லாரும் போன்ல பேசுறாங்க. நா என்கிட்டயே பேசப்போறேன்.

ஏய் நீ ரொம்ப அழகா இருக்க.. வீட்ல இருக்க செம்ம காண்டா இருக்கு. நா வேண்ணா வெளிய போயி ஒரு ரவுண்டு அடிச்சிட்டு வரட்டுமா?

ஆமா எதுக்குடா லாக்டவுன் - என்று மனசாட்சி பேசுகிறது.

கொரோனா பரவலைத் தடுக்க எல்லாரையும் வீட்லயே இருக்க சொல்லிருக்காங்க. என்ன நா போயிட்டு வரட்டுமா

போகாத.. போகாத.. என மனசாட்சி சொல்கிறது.

அப்டிதான்டா போவேன்.. போனா என்ன ஆகும்.

அவரது புகைப்படத்துக்கு மாலை இட்டு, ஊதுவத்தி கொழுத்தி, பழங்கள் படையலிடப்பட்டிருப்பது போல காட்டப்படுகிறது.

ஆஹா... கொரோனா போனாதுக்கு அப்றமே வெளிய போய்க்கலாம்..


இதை பகிர்ந்துள்ள விவேக் மீம்ஸ் கிரியேட்டர்களை பாராட்டியுள்ளார். அவர் தெரிவித்துள்ளதாவது,

மீம்சு பசங்க சூப்பர்! கிட்ட தட்ட என் குரல் போலவே இருக்கு!!!! அடப் பாவிகளா

என கூறியுள்ளார் விவேக்.


இந்த பதிவுக்கு கீழ் பலரும் இந்த மீம் வீடியோவை பாராட்டியுள்ளனர். சூப்பர் மீம், நீங்களும் திரைப்படங்களில் கருத்து சொல்வீர்கள். இவர்களும் உங்களை பயன்படுத்தி கருத்து சொல்லியிருக்கிறார்கள் என பலர் குறிப்பிட்டுள்ளனர். மேலும் சிலர் அவரது பஞ்ச் வசனமான அடப்பாவிகளா என கமெண்ட் செய்துள்ளனர்.