சினிமா சவப்பெட்டி மீது எத்தனை ஆணிகள் : விவேக்!

சென்னை: சினிமா சவப்பெட்டியின் மீது எத்தனை ஆணிகள் என ஜிஎஸ்டி வரி விதிப்பு குறித்து விவேக் தெரிவித்துள்ளார்.

நாடு முழுதும் ஒரே சீரான வரி விதிக்கும் வகையில் ஜிஎஸ்டி சரக்கு, சேவை வரி சட்டம் அமலுக்கு வந்துள்ளது. இதனால் கடுமையான விலை உயர்வு ஏற்பட்டுள்ளது என பல்வேறு தரப்பினரும் கண்டனம் தெரிவித்துள்ளனர்.

மக்களின் முதன்மையான பொழுதுபோக்கு அம்சத்தில் தியேட்டர்களுக்கு 28 சதவீதம் வரி விதிக்கப்பட்டுள்ளது. இத்துடன் தமிழக அரசு கேளிக்கை வரி 30 சதவீதம் விதித்துள்ளது. இதனால் தியேட்டர்களில் டிக்கெட் கட்டணம் 58 சதவீதம் உயர்ந்துள்ளது. இந்த வரி விதிப்புக்கு எதிர்ப்பு தெரிவித்து தியேட்டர்கள் மூடப்பட்டுள்ளன.

இது தொடர்பாக நடிகர் விவேக் தனது டுவிட்டர் பக்கத்தில் தெரிவித்துள்ள கருத்தில்,’ திருட்டுவிசிடி, டவுன்லோட், யார் யாரோ செய்யும் விமர்சனங்கள், டிக்கெட் ரேட், தற்போது, வரி - சினிமா சவப்பெட்டியின் மீதுதான் எத்தனை ஆணிகள்.

உச்ச நட்சத்திரங்கள், பெரும் தயாரிப்பாளர்கள் சினிமாவரியை எதிர்த்து குரல் கொடுக்காவிட்டால், சிறு தயாரிப்பாளரின் குரல்வளை நெறிக்கப்படும் என கூறியுள்ளார்.

Actor vivek says about gst,double taxation in cinema