விஜய்-அஜித் ரசிகர்கள் சண்டை! காமெடியன் விவேக்கின் எச்சரிக்கை ட்விட்

நடிகர் அஜித் மற்றும் விஜய் ஆகியோரின் ரசிகர்கள் சமூக வலைத்தளங்களில் அடிக்கடி போடும் சண்டை அனைவருக்கும் தெரிந்த ஒரு விஷயம். காரணமே இல்லாமல் இருதரப்பும் ட்விட்டரில் வார்த்தைப் போரில் ஈடுபட்டு கொண்டிருக்கிறார்கள்.

பல சமயங்களில் தேசிய அளவில் மிக மோசமான hashtag-களை அவர்கள் ட்ரெண்ட் செய்வதும் உண்டு. அது பலரையும் முகம் சுளிக்க வைக்கும் அளவுக்கு இருக்கும்.

இப்படி நடந்து வரும் ரசிகர் சண்டையில் தன்னை டேக் செய்ய வேண்டாம் என காமெடி நடிகர் விவேக் ட்விட்டரில் கூறியுள்ளார்.

"நண்பர்கள் அஜீத், விஜய் அல்லது எந்த நடிகரையும், தனி நபரையும் தரம் தாழ்ந்து செய்யும் எதிர்மறை பதிவுகளை நான் விரும்புவதில்லை. என்னை tag செய்ய வேண்டாம் என்று கேட்டுக்கொள்கிறேன்.மீறிச் செய்தால் block ஆகும்.நேர்மறை பதிவுகளுக்கே நான் டுவிட்டரைப் பயன்படுத்துகிறேன்," என கேட்டுக்கொண்டுள்ளார் அவர்.



விவேக்கின் இந்த ட்விட்டுக்கு நெட்டிசன்கள் பலரும் பாராட்டு தெரிவித்து வருகின்றனர். "ரசிக சண்டையை ஒழிக்க ஏதும் வழி இருந்தா சொல்லுங்க சார்.. உங்களுக்கு புண்ணியமா போகும்" என ஒருவர் ஆதங்கத்துடன் பதிவிட்டு உள்ளார்.



மற்றொருவர் காமெடியாக "இது கேட்டு எவனாவது திருந்துவான்னு நெனக்குறீங்க" என கேட்டுள்ளார்.