Vijay Devarakonda: நான் காதலிக்கிறேனா? எனக்கு கல்யாணமா? விளக்கம் கொடுத்த ஐஸ்வர்யா ராஜேஷ்!

திருமணம் நடக்கயிருப்பதாக வெளியான தகவல் குறித்து பிரபல நடிகை ஐஸ்வர்யா ராஜேஷ் விளக்கம் கொடுத்துள்ளார்.

தமிழ் சினிமாவில் பிரபல நடிகையாக வலம் வருபவர் நடிகை ஐஸ்வர்யா ராஜேஷ் (29). பெரும்பாலும், படங்களில் பாவாடை, தாவணி, சேலை என்று ஹோம்லி லுக்கில் நடித்துள்ளார். காக்கா முட்டை, தர்மதுரை, கனா உள்பட பல படங்களில் நடிப்புத் திறமையை வெளிப்படுத்தியுள்ளார்.

இப்படங்களைத் தொடர்ந்து, துருவ நட்சத்திரம், இடம் பொருள் ஏவல், கருப்பர் நகரம், எஸ்கே16, மெய் என்று தமிழ், தெலுங்கு என்று வரிசையாக பல படங்களில் நடித்து வருகிறார். இந்த நிலையில், இவர் பிரபல நடிகர் ஒருவரை காதலித்து வருவதாகவும், அவரையே விரைவில் திருமணம் செய்து கொள்ள இருப்பதாகவும் தகவல் வெளியானது.

இந்த நிலையில், காதல் திருமணம் குறித்து வெளியான தகவலுக்கு ஐஸ்வர்யா ராஜேஷ் விளக்கம் கொடுத்துள்ளார். இது குறித்து அவர் கூறுகையில், நான் காதலிப்பதாகவும், எனக்கு விரைவில் திருமணம் என்றும் கேள்விப்படுகிறேன். யார் அவர் என்று தயவு செய்து சொல்லுங்கள். தெரிந்து கொள்ள மிகவும் ஆர்வமாக இருக்கிறேன் என்று கேள்வி எழுப்பியுள்ளார். மேலும், அப்படி ஏதாவது நடந்தால், அதனை முதலில் உங்களிடம் தான் தெரியப்படுத்துவேன். தனியாக இருப்பது ரொம்பவும் சந்தோஷமாக இருக்கிறது என்று குறிப்பிட்டுள்ளார்.

ஐஸ்வர்யா ராஜேஷ் மற்றும் விஜய் தேவரகொண்டா இருவரும் இணைந்து கிராந்தி மாதவ் இயக்கத்தில் தெலுங்கு படத்தில் பிஸியாக நடித்து வருகின்றனர். இப்படத்தில் இருவரது கெமிஸ்டரியும் நல்லாவே ஒர்க் அவுட்டாகி வருகிறது. அப்படியிருக்கும் போது, ஐஸ்வர்யா ராஜேஷ் நடிகர் விஜய் தேவரகொண்டாவை காதலிப்பதாக பொய்யான தகவல் வெளியாகியுள்ளதாக கூறப்படுகிறது.