Amala Paul: ஆடைகளை களைந்து நடிப்பதில் என்ன தவறு.?: நடிகை அமலா பால் ஓபன் டாக்.!

'சிந்து சமவெளி' படம் தொடங்கி 'ஆடை' படம் வரையில் பல்வேறு சர்ச்சைகளை சந்தித்து வருபவர் நடிகை அமலா பால். திரைப்பட வாய்ப்புகள் இல்லையென்றாலும், இன்ஸ்டகிராம் உள்ளிட்ட சமூக வலைத்தளங்களில் எப்போதும் ஆக்டிவாகவே இருந்து வருகிறார்.

தமிழ் சினிமாவில் விஜய், தனுஷ், ஆர்யா உள்ளிட்ட முன்னணி நடிகர்களுடன் நடித்துள்ள அமலா பால், டைரக்டர் ஏ.எல்.விஜய்யை காதல் திருமணம் செய்து கொண்டார். இதனையடுத்து கடந்த 2016 ஆம் ஆண்டு கருத்து வேறுபாடு காரணமாக இருவரும் விவாகரத்து பெற்று பிரிந்தனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

விவாகரத்துக்கு பின் கிளாமரில் கலக்கி வருகிறார் அமலாபால். குறிப்பாக கடந்த 2019-ம் ஆண்டு ரத்ன குமார் இயக்கத்தில் வெளியான ஆடை படத்தில் நிர்வாணமாக நடித்து பரபரப்பை கிளப்பினார். இதன்பின் கடந்த மூன்று ஆண்டுகளாக இவர் நடிப்பில் ஒரு படம் கூட ரிலீசாகவில்லை. இந்நிலையில் அமலாபால் நடிப்பில் உருவாகியுள்ள ‘கடாவர்’ படம் ஹாட்ஸ்டார் ஓடிடியில் கடந்த 12ஆம் தேதி வெளியாகி வரவேற்பை பெற்று வருகிறது.

இதனிடையில் அண்மையில் வெளியான விக்டிம் என்ற ஆந்தாலாஜி சீரிஸில் 'Confession' என்ற குறும்படத்தில் நடித்தார். இந்தப்படம் குறித்து அண்மையில் பேட்டி ஒன்றில் பேசிய அமலா பால், ஒரு கதாபாத்திரம் நமக்கு 100 சதவீதம் பிடித்தால் மட்டுமே, நாமும் 100 சதவீதம் உழைக்க முடியும். அது போல் தான் விக்டிம் படத்தில் எனது கதாபாத்திரம். இயக்குநர் வெங்கட்பிரபு படத்தின் ஸ்கிரிப்ட்டை எனக்கு அனுப்பினார். அதில் நான் வெளியே சென்று வீட்டுக்கு வந்தவுடன், ஆடைகளை களைகின்ற சீன் தான் எனக்கு ரொம்ப பிடித்திருந்தது.

இரவு பார்ட்டியில் காமெடி நடிகருடன் செம்ம டான்ஸ்: வைரலாகும் வனிதாவின் போட்டோஸ்.!

எனக்கு தப்பா தெரியல. ஏனென்றால் எல்லோரும் வீட்டிற்கு வந்தவுடன் ப்ரியாக இருக்க வேண்டும் என விரும்புவார்கள். அது போல் தான் அந்த கதாபாத்திரமும் ரியாலிட்டியாக இருக்க வேண்டும் என்று கருதினோம். இது மாதிரியான காட்சிகளில் நடிக்கும்பொழுது, இங்கு நடிகையின் கேரக்டர் தீர்மானிக்கப்படுகிறது. ஆனால் பாலிவுட், ஹாலிவுட் படங்களில் அப்படி யாரும் தீர்மானிப்பதில்லை.

கதைக்கு என்ன தேவையோ அதை செய்கிறார்கள். எதார்த்தமான சினிமாவைத் தான் அவர்கள் எடுக்கிறார்கள். அங்கு அனைத்து சுதந்திரமும் கொடுக்கப்படுகிறது. ஆனால் இங்கு குறைந்த அளவு மட்டுமே சுதந்திரம் கொடுக்கப்படுகிறது. இன்னும் சொல்லப்போனால் எனக்கு இது மாதிரியான படங்கள் தான் பார்க்க பிடிக்கும். இவ்வாறு அந்த பேட்டியில் தெரிவித்துள்ளார் நடிகை அமலா பால்.