தரமணியை நம்பியிருக்கும் ஆண்ட்ரியா! நல்ல பேரு கொடுக்குமா?

அதிக பட வாய்ப்புக்காக தரமணி படத்தை முழுக்க முழுக்க நம்பியிருக்கிறார் ஆண்ட்ரியா.

ராம் இயக்கத்தில் ஆண்ட்ரியா, வசந்த் ரவி ஆகியோர் நடிப்பில் உருவாகியிருக்கும் படம் தரமணி. காதலர்களுக்கு இடையில் நடக்கும் சண்டை சச்சரவுகளை மையமாக வைத்து உருவாக்கப்பட்டுள்ள இப்படம் வரும் 11ம் தேதி திரைக்கு வரவுள்ளது. இப்படத்தில் தனது வித்தியாசமான நடிப்பை வெளிப்படுத்தியுள்ள ஆண்ட்ரியா இப்படத்தின் தனக்கு கிடைக்கும் வரவேற்பை வைத்து தான் அடுத்தடுத்து படங்களில் கமிட்டாகவுள்ளது.

இதற்கிடையில், மிஷ்கின் இயக்கத்தில் உருவாகி வரும் துப்பறிவாளன் படத்தில் விஷாலுக்கு வில்லியாக நடித்துள்ளார். ஆண்ட்ரியா ரிஜெக்ட் செய்த இயக்குனர்கள் வரிசையில் கௌதம் மேனனும், செல்வராகவனும் கூட உண்டு என்கிறார்கள். இந்நிலையில் ஆண்கள் சரக்கு அடித்தால் யு சர்டிபிகேட், பெண்கள் சரக்கு அடித்தால் ஏ சர்டிபிகேட் என்று படத்திற்கு வித்தியாசமான விளம்பரமும் செய்யப்பட்டது குறிப்பிடத்தக்கது.