ஜீவிதா மகளுக்கு அம்மாவான பாக்யஸ்ரீ!

நடிகை பாக்யஸ்ரீ, ஜீவிதா மகள் ஷிவானிக்கு அம்மாவாக ஒரு படத்தில் நடிக்கிறார்.

நடிகை ஜீவிதா, தமிழில் ‘ராஜ மரியாதை’, ‘கடமை கண்ணியம் கட்டுப்பாடு’, ‘ஏட்டிக்குபோட்டி’, ‘செல்வி’, ‘சுகமான ராகங்கள்’, ‘உறவை காத்த கிளி’ உட்பட பல படங்களில் நடித்துள்ளார். இவர் நடிகரும் டாக்டருமான ராஜசேகரை காதலித்து திருமணம் செய்து கொண்டார். இவர்களுக்கு ஷிவானி என்ற மகள் இருக்கிறார்.

தற்போது ஷிவானி நடிகையாக அறிமுகமாகிறார். இந்தப் படம் தமிழ். தெலுங்கில் உருவாகவுள்ளது. தற்போது ஷிவானி தெலுங்கு ரீமேக் படம் ஒன்றில் நடித்து வருகிறார். நடிக்கிறார். இது இந்தியில் வெளியாகி வெற்றிப் பெற்ற படம் ‘2 ஸ்டேட்’. இந்தப் படத்தில் இந்தியில் அர்ஜூன்கபூர், அலியாபட் ஆகியோர் நடித்திருந்தனர். இப்படத்தில் அலியாபட் நடித்த கதாபாத்திரத்தை ஏற்று நடிக்கிறார் ஷிவானி. இவரது தாயாக பாக்யஸ்ரீ நடிக்கிறார்.

நடிகை பாக்யஸ்ரீ, தமிழில் ‘மாப்பிள்ளை மனசு பூபோல’ படத்தில் நடித்துள்ளார். ஏராளமான படங்கள் இவரை தேடி வந்தபோதும் குறிப்பிட்ட சில படங்களில் மட்டுமே நடித்தார். கடந்த 2009ம் ஆண்டு ‘தேவா’ என்ற போஜ்புரி படத்தில் நடித்தார். அதன்பிறகு நடிக்காமல் இருந்தார். தற்போது ஷிவானியின் தாயாக நடிக்க நடிகை பாக்யஸ்ரீயை கேட்டனர். படத்தின் கதை அவருக்குப் பிடித்துப் போனதால் உடனே சம்மதம் கூறிவிட்டார்.