டான்ஸ் கற்க வெளிநாடு சென்று வரும் பிரபல நடிகை!

நடிகை கேத்ரின் தெரசா, டான்ஸ் கற்றுக் கொள்வதற்காக வாரத்துக்கு இரண்டு நாள் அமெரிக்கா சென்று வருகிறாராம்.

நடிகை கேத்ரின் தெரசா ‘மெட்ராஸ்’ படம் மூலம் தமிழில் அறிமுகமானார். அதன்பின் பல படங்களில் நடித்தார். இருந்தாலும் தனக்கு டான்ஸ் சரியாக வரவில்லை என்ற குற்ற உணர்வு அவரிடம் இருந்து வந்தது. இந்நிலையில் படப்பிடிப்பு இல்லாத நாட்களில் கேத்ரின் தெரசா வாரத்துக்கு இரண்டு நாட்கள் அமெரிக்கா சென்று வருகிறார். அங்கு பாப்பிங் அண்ட் லாக்கிங் ஸ்டீரிட் ஸ்டைல் டான்ஸ் என்ற வகை நடனத்தை கற்று வருகிறார். அதற்காக அவர் நியூயார்க்கில் தங்கியுள்ளார். இந்த கோர்ஸ் 2 வார காலம் சொல்லித் தரப்படுகிறது.

இது குறித்து கேத்ரின் கூறுகையில், ‘‘இந்த டான்ஸ் கோர்ஸை நான் முடித்துவிட்டால் எனது நடன அசைவுகளில் பெரிய அளவில் மாற்றம் வரும். வீ என்பவர்தான் எனக்கு டான்ஸ் மாஸ்டராக இருக்கிறார். இப்போது ரவிதேஜாவுடன் ‘தெறி’ பட ரீமேக்கில் நடிக்கிறேன். அடுத்ததாக மலையாள படம் ஒன்றில் நடிக்கவுள்ளேன்’’ என்றார்.