உங்களைப் பத்தி தெரியாதா? எல்லாம் புழுகு மூட்டை; பாஜகவை விளாசித் தள்ளிய நடிகை ரம்யா!

ஜம்மு காஷ்மீர் மாநிலத்தில் நிகழ்த்தப்பட்ட புல்வாமா தற்கொலைப்படை தாக்குதல் பதிலடி கொடுக்கும் நடவடிக்கையில் இந்தியா இறங்கியது. பாகிஸ்தான் எல்லைக்குள் நுழைந்து, பாலகோட்டில் ஜெய்ஷ்-இ-முகமது பயங்கரவாத பயிற்சி முகாம்கள் மீது இந்திய போர் விமானங்கள் தாக்குதல் நடத்தின. இதில் நூற்றுக்கணக்கான பயங்கரவாதிகள் கொல்லப்பட்டதாக தகவல்கள் வெளியாகின.

ஆனால் பலியானவர்கள் எண்ணிக்கை குறித்து சரியாகக் கூற முடியாது என்று இந்திய ராணுவம் விளக்கம் அளித்தது. இதுதொடர்பாக ஆதாரங்களை வெளியிட வேண்டும் என்று எதிர்க்கட்சிகள் தரப்பிலும் கேள்வி எழுப்பப்பட்டது. இதற்கு பதிலளிக்கும் வகையில் பேசிய பிரதமர் மோடி, நமது ராணுவத்தின் மீது நம்பிக்கை கொள்வதும், அவர்களின் வீரச் செயல்களுக்கு பெருமை அடைவதும் இயற்கையான ஒன்று தானே.

பின்னர் ஏன் சிலர் ராணுவத்தின் செயல்பாடுகள் குறித்து கேள்வி எழுப்புகின்றனர் எனக் கூறியிருந்தார். இதற்கு நடிகையும், காங்கிரஸ் கட்சியின் பிரமுகருமான ரம்யா, தனது டுவிட்டர் பக்கத்தில் பதிலளித்துள்ளார். அதில், நாங்களும் நமது ராணுவத்தின் மீது மிக்க நம்பிக்கை கொண்டிருக்கிறோம். அதை நினைத்து பெருமை கொள்கிறோம். ஆனால் உங்கள் மீது நம்பிக்கை இல்லை.

சுதந்திரத்திற்கு பிறகு நமது ராணுவத்தினர் பல்வேறு போர்களில் ஈடுபட்டு மிகச்சிறப்பான வெற்றிகளை அடைந்துள்ளனர். மேலும் ஏராளமான சாதனைப் பட்டில்களை தன்வசம் வைத்துள்ளனர். ஆனால் நீங்கள் வைத்திருப்பது மிக மோசமான பட்டியல். எல்லாவற்றிலும் பொய் கூறிவிட்டு, அதனை திறமையாக சமாளித்து வருகின்றனர் என்று குற்றம்சாட்டியுள்ளார்.