Hansika: கணவரின் முதல் திருமண சர்ச்சை: கண்ணீர் விட்ட நடிகை ஹன்சிகா.!

தமிழ் சினிமாவில் முன்னணி நடிகையாக திகழ்ந்தவர் ஹன்சிகா மோத்வானி. இவர் பல முன்னணி நடிகர்களுக்கு ஜோடியாக படங்களில் நடித்துள்ளார். அண்மையில் தொழிலதிபருடன் இவருக்கு பிரம்மாண்டமாக திருமணம் நடந்து முடிந்தது.

ஹிந்தி, தமிழ், தெலுங்கு, கன்னடம் உள்ளிட்ட மொழிகளில் ஏராளமான படங்கள் நடித்துள்ள ஹன்சிகா, தமிழில் விஜய், சூர்யா, கார்த்தி, சிம்பு, ஜெயம் ரவி உள்ளிட்ட பல முன்னணி நடிகர்களுடனும் இணைந்து நடித்துள்ளார். இவர் தன்னுடைய குடும்ப நண்பரான மும்பையைச் சேர்ந்த பிரபல தொழிலதிபர் சோஹேல் கதூரியாவை அண்மையில் திருமணம் செய்து கொண்டார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

கடந்த டிசம்பர் 4 ஆம் தேதி ஜெய்ப்பூர் நகரத்தில் உள்ள 450 வருடங்கள் பழமை வாய்ந்த மண்டோடா ஃபோர்ட் அரண்மனையில் இவர்களது திருமணம் தடபுடலாக நடந்து முடிந்தது. இவர்களின் திருமணம் தொடர்பான போட்டோக்கள் மற்றும் வீடியோக்கள் இணையத்தில் படு வேகமாக வைரலானது.

ஹன்சிகாவின் தோழி ஒருவரை தான் சோஹைல் கத்தூரியா முதலில் திருமணம் செய்துள்ளார். பின்னர் கருத்து வேறுபாடு காரணமாக இருவரும் விவாகரத்து பெற்று பிரிந்தனர். அதன்பின்னர் ஹன்சிகா உடன் பழக்கம் ஏற்பட்டு தற்போது அவரை மணம் முடித்துள்ளார் சோஹைல் கத்தூரியா. இதுக்குறித்து இணையத்தில் பேசப்பட்டது.

Rajinikanth: ஆசைஆசையாய் வந்த ரசிகர்: எச்சரித்த நடிகர் ரஜினிகாந்த்.!

இந்நிலையில் ஹன்சிகாவின் திருமண வீடியோ டிஸ்னி பிளஸ் ஹாட்ஸ்டாரில் வரும் பிப்ரவரி 10ம் தேதி வெளியாகும் என்கிற அறிவிப்பு புதிய டீசருடன் வெளியாகியுள்ளது. இவர்களின் திருமண வீடியோவுக்கு 'லவ் ஷாதி டிராமா' என டைட்டில் வைக்கப்பட்டுள்ளது. இந்த வீடியோவிற்கு கெளதம் மேனன் வாய்ஸ் கொடுத்துள்ளார்.

Pathaan: ஷாருக்கானுக்கு வாழ்க்கை கொடுத்த 'பதான்': 5 நாட்களில் 500 கோடி வசூல்.!

மேலும், டீசரில், ஹன்சிகா தனது அம்மாவிடம் பேசும்போது, நீ தான் எனக்கு அடிக்கடி சொல்லி இருக்கிறாய். யாருடைய கடந்த காலத்தை பற்றி பார்க்கக் கூடாது என்று உனக்கு ஓகே என்றால் எனக்கு அது போதும் என்று கண்கலங்கியபடி பேசியுள்ளார் ஹன்சிகா. சோஹைல் கத்தூரியாவின் முதல் திருமணம் பற்றி எழுந்த சர்ச்சைகளுக்கு பதிலடி கொடுக்கும் விதமாக ஹன்சிகா இதில் பேசியுள்ளதாக ரசிகர்கள் கமெண்ட் அடித்து வருகின்றனர். இந்த வீடியோ தற்போது இணையத்தில் வைரலாகி வருகிறது.