நடிகை ஜெயசித்ரா மகன் திருமண நிகழ்ச்சி!

நடிகை ஜெயசித்ராவின் மகன் அம்ரீஷிற்கும், கீர்த்தி ஹனுஷாவிற்கும் ராணி மெய்யம்மை மண்டபத்தில் திருமணம் நடைபெற்றது.

தமிழில் புதுப்புது அர்த்தங்கள், மாமன் மகள் போன்ற 200க்கும் மேற்பட்ட படங்களில் நடித்தவர் ஜெயசித்ரா. இவருடைய மகனும், இசை அமைப்பாளருமான அம்ரீஷிற்கும், சுதர்சனம் – விஜய ஸ்ரீ சுதர்சனம் இவர்களின் மகள் கீர்த்தி ஹனுஷாவிற்கும் இன்று காலை திருமணம் நடைபெற்றது. இதில் தமிழ் மற்றும் தெலுங்கு திரைப்படத்துறையை சேர்ந்த பல்வேறு கலைஞர்கள் பங்கு கொண்டனர். திருமண விழாவில் நடிகர் பிரபு, இயக்குநர்கள் கே.எஸ்.ரவிக்குமார், பி.வாசு, மணிரத்னம், சுஹாசினி, ஆகியோர் கலந்து கொண்டனர்.

தெலங்கானா அமைச்சர் மதுசூதன் ரெட்டி, தயாரிப்பாளர் அன்பாலயா பிரபாகர், எஸ்.வி.சேகர் மற்றும் கவிஞர் சொற்கோ ஆகியோர் கலந்து கொண்டனர். தமிழ், தெலுங்கு திரைத்துறையை சேர்ந்த பலரும் திருமணவிழாவில் கலந்து கொண்டு மணமக்களை வாழ்த்தினர்.