எங்க போனாலும் சமையல்காரருடன் செல்லும் காஜல், தமன்னா!

முன்னணி நடிகையான காஜல் அகர்வால் மற்றும் தமன்னா ஆகிய இருவரும் எங்க போனாலும் சமையல்காரருடன் செல்வதாக தகவல் கூறுகின்றது.

தமிழ் சினிமாவில் முன்னணி நடிகையாக இருப்பவர்கள், தமன்னா, காஜல் அகர்வால் மற்றும் சமந்தா. தமிழ் சினிமாவில் தொடர்ந்து பல படங்களில் நடித்து வரும் இவர்கள், சம்பளமும் அதிகளவில் வாங்குகின்றனர். ஏற்கனவே நடிகை சமந்தா தன்னுடைய உடல் ஆரோக்கத்தில் அதிக அக்கறை வைத்துள்ளார். ஆமாம், அவர் எங்கு சென்றாலும், கூடவே ஒரு சமையல்காரரை அழைத்துச் செல்வாராம். தற்போது, இவரை தமன்னா மற்றும் காஜல் அகர்வால் இருவரும் பின்பற்றி வருகின்றனர்.

ஷூட்டிங் எங்கு நடந்தாலும், தமன்னா மற்றும் காஜல் அகர்வால் இருவரும் தங்களுடன் ஒரு சமையல்காரரையும் கூடவே அழைத்துச் செல்கின்றனராம். ஆனால், அவருக்கு சம்பளம் மட்டும் யார் கொடுக்கிறார்கள் என்பது தெரியவில்லை. ஒரே வேலை தயாரிப்பாளரே சமையல்காரருக்கும் சம்பளம் கொடுக்கிறாரோ என்னவோ?