இவருக்கு ஜோடியாக தான் நடிப்பேன்: ஓப்பனாக கூறிய நடிகை கங்கனா ரனாவத்!

மறைந்த தமிழ்நாட்டின் முன்னாள் முதலமைச்சர் ஜெயலலிதாவின் வாழ்க்கை வரலாறு படமான 'தலைவி' எனும் பெயரில் படமாக உருவாகியுள்ளது. ஏ.எல்.விஜய் இயக்கியுள்ள இந்தப்படத்தில் ஜெயலலிதாவின் கதாபாத்திரத்தில் கங்கனா ரனாவத் நடித்துள்ளார். இன்று திரையரங்கில் வெளியாகியுள்ள இந்தப்படத்தில் கங்கனாவின் நடிப்பு பலராலும் பாராட்டப்பட்டு வருகிறது.

தமிழில் ஜெயம் ரவி நடிப்பில் வெளியான தாம் தூம் படத்தில் அவருக்கு ஜோடியாக அறிமுகமானவர் கங்கனா ரனாவத். சர்ச்சைகளுக்கு பெயர் போன இவர் கிட்டத்தட்ட 30 படங்களுக்கு மேல் நடித்துள்ளார். இந்நிலையில் ஜெயலலிதாவின் கதாபாத்திரத்தில் கங்கனா நடித்துள்ள தலைவி படம் இன்று வெளியாகியுள்ளது.

இந்நிலையில் கங்கனா ரனாவத்திடம் ஒரு பேட்டியில் எந்த நடிகருடன் நடிக்க ஆசை என்று கேள்வி கேட்கப்பட்ட போது, நடிகர் விஜய் மற்றும் ரஜினியுடன் நடிப்பதற்கு ஆசை என்று கூறியிருக்கிறார் .மேலும் விஜய் அல்டிமேட் ஹீரோவாக இருக்கிறார் என்றும் அவர் கூறியுள்ளார். இந்த தகவல் விஜய் ரசிகர்களுக்கு பெரும் உற்சாகத்தை தந்துள்ளது.

தந்தையின் மருத்துவ செலவுக்கு உதவிய நடிகர் விஜய்: கண்ணீருடன் பகிர்ந்த தாடி பாலாஜி!
ஏ.எல்.விஜய் இயக்கத்தில் 'தலைவி' படம் ஜெயலலிதாவின் வாழ்க்கை வரலாற்றினை மையமாக வைத்து உருவாகியுள்ளது. ஜெயலலிதா கதாபாத்திரத்தில் கங்கனா ரனாவத்தும், எம்.ஜி.ஆராக நடிகர் அரவிந்த் சாமி நடித்துள்ளார். இவர்கள் இருவரின் கெட்டப்பும் பார்ப்பதற்கு அப்படியே எம்.ஜி.ஆர், ஜெயலலிதா போன்று உள்ளதாக பலரும் வாழ்த்தி வருகின்றனர்.

இந்நிலையில் இன்று திரையரங்கில் வெளியாகியுள்ள தலைவி படம் ரசிகர்களிடம் வரவேற்பினை பெற்று வருகிறது. ஜி.வி.பிரகாஷ் இசையமைத்துள்ள இந்தப்படம் தமிழ், தெலுங்கு, இந்தி மொழிகளில் வெளியாகியுள்ளது குறிப்பிடத்தக்கது.