ஜல்லிக்கட்டுக்காக களமிறங்கிய கீர்த்தி சுரேஷ்..!

ஜல்லிக்கட்டு போராட்டத்திற்கு ஆதரவளிப்பதாக தனது டிவிட்டர் பக்கத்தில் நடிகை கீர்த்தி சுரேஷ் தெரிவித்துள்ளார்.

தமிழகம் முழுவதும் ஜல்லிக்கட்டுக்கு ஆதரவாக இளைஞர்கள் தன்னெழுச்சியாக போராடி வருகின்றனர்.இவர்களின் போராட்டத்திற்கு தமிழ் சினிமா நட்சத்திரங்களும் தங்கள் ஆதரவை தெரிவித்து வருகின்றனர்.மேலும் ஜல்லிக்கட்டு மீதான தடையை நீக்கக் கோரி நாளை தென்னிந்திய நடிகர் சங்கம் சார்பாக ஒரு நாள் அடையாள உண்ணாவிரத போராட்டமும் சென்னையில் நடைபெற உள்ளது.


இந்நிலையில் நடிகை கீர்த்தி சுரேஷ்,இளைஞர்கள் நடத்தி வரும் ஜல்லிக்கட்டு போராட்டத்திற்கு தனது ஆதரவை தெரிவித்துள்ளார்.தனது அதிகாரப்பூர்வ டிவிட்டர் பக்கத்தில் கீர்த்தி சுரேஷ் வெளியிட்டுள்ள வீடியோவில்,”கல் தோன்றி முன் தோன்றா காலத்திலிருந்து நம்முடைய தமிழ் வீரர்களுடைய வீர விளையாட்டு மஞ்சுவிரட்டு. இல்லையென்றால் ஜல்லிக்கட்டு.

வாழையடி,வாழையாக நம் தமிழர்களுடைய பாரம்பரிய விளையாட்டு.இதை அழியாமல் பாதுகாக்க வேண்டியது,நம் தமிழர்களின் கடமை.இதற்காக போராடும் எல்லா இளைஞர்களுக்கும் என் ஆதரவை தெரிவித்துக் கொள்கிறேன்.அவர்களுடன் சேர்ந்து போராடும் பெண்களுக்கு என்னுடைய தனிப்பட்ட ஆதரவை தெரிவித்துக் கொள்கிறேன்.இதற்காக நாம் அனைவரும் கை கோர்ப்போம்.செயல்படுவோம்.ஜெயிப்போம்.”என தெரிவித்துள்ளார்.

#JusticeforJallikattu #ஜெயிப்போம் pic.twitter.com/QAUZhruBCG — Keerthy Suresh (@KeerthyOfficial) January 19, 2017 Actress Keerthy Suresh supports Jallikattu