Kamal Haasan: கமல் ஹாசனின் மக்கள் நீதி மய்யம் கட்சியில் இணைந்தார் நடிகை கோவை சரளா!

தமிழ் திரையுலகில் மிகவும் பிரபலமான நகைச்சுவை நடிகையாக இருப்பவர் கோவை சரளா. நூற்றுக்கணக்கான படங்களில் நடித்துள்ளார். சமீப காலமாக பல்வேறு படங்களில் நகைச்சுவை வேடங்களில் மீண்டும் தலைகாட்டத் தொடங்கியுள்ளார்.

கடைசியாக அஜித் நடிப்பில் வெளியான ‘விஸ்வாசம்’ படத்தில் நடித்திருந்தார். இப்படத்தில் சிவா இயக்கியிருந்தார். இந்நிலையில் கமல் ஹாசனின் மக்கள் நீதி மய்யம் கட்சியில் கோவை சரளா இன்று இணைந்துள்ளார்.

இதுதொடர்பாக இன்று நடைபெற்ற நிகழ்ச்சியில் ஸ்ரீபிரியா, கமீலா நாசர் மற்றும் கட்சியின் முக்கிய நிர்வாகிகள் உடனிருந்தனர். பல ஆண்டுகளுக்கு முன்பு, பாலு மகேந்திரா இயக்கத்தில் வெளியான ‘சதிலீலாவதி’ படத்தில் கமலும், கோவை சரளாவும் ஜோடியாக நடித்தது குறிப்பிடத்தக்கது.

அதன்பிறகு பஞ்சதந்திரம், காதலா காதலா, மும்பை எக்ஸ்பிரஸ் உள்ளிட்ட படங்களிலும் இருவரும் நடித்திருந்தனர்.