மீண்டும் களமிறங்கும் லைலா- யுவன் தயாரிக்கும் படத்தில் கதாநாயகினார்

தற்போது தொலைக்காட்சி ரியாலிட்டி நிகழ்ச்சியில் நடுவராக இருந்து வரும் பிரபல நடிகை லைலா, அடுத்து இசையமைப்பாளர் யுவன் சங்கர் ராஜா தயாரிக்கும் படத்தில் கதாநாயகியாக நடிக்க ஒப்பந்தம் செய்யப்பட்டுள்ளார்.

2000ம் ஆண்டு தொடக்கத்தில் தென்னிந்திய திரைப்படங்களில் நடிக்கத் தொடங்கிய லைலா, பிறகு தமிழ் சினிமாவில் முன்னணி கதாநாயகியாக உயர்ந்தார். சிம்ரனுக்கு பிறகு லைலா நடிக்கும் பல படங்கள் வசூலை வாரி குவித்தனர்.

அன்றைய நாளின் அனைத்து இளைய தலைமுறை கதாநாயகர்களுடன் ஜோடியாக நடித்த லைலா, முறைப்படி பாலே நடனம் கற்றவர் என்பது குறிப்பிடத்தக்கது. பிறகு பேக்கரி வியாபாரம் செய்து வரும் தனது நீண்ட காதலரை கரம்பிடித்த லீலா, தற்போது மும்பையில் வசித்து வருகிறார்.

இந்நிலையில், பிரபல தமிழ் தொலைக்காட்சியில் ஒளிப்பரப்பாகி வரும் ரியாலிட்டி நிகழ்ச்சியில் லைலா நடுவராக உள்ளார். தற்போது இசையமைப்பாளர் யுவன் சங்கர் ராஜா தயாரிப்பில் உருவாகும் ‘ஆலிஸ்’ என்ற படத்தில் கதாநாயகியாக நடிக்க லைலா ஒப்பந்தமாகியுள்ளார்.

இதில் அவருடன் பிக்பாஸ் புகழ் ரைஸாவும் முக்கிய கதாபாத்திரத்தில் நடிக்கிறார். அறிமுக இயக்குநர் மணி சந்துரு இந்த படத்தை இயக்கவுள்ளார். இதற்கிடையில் லைலா நடிப்பில் கண்ட நாள் முதல் படத்தின் இரண்டாம் பாகமும் உருவாக்கப்படலாம் என எதிர்பார்க்கப்படுகிறது.