Manju Warrier: ஏகேவுக்கு மட்டும் தெரியாம பார்த்துகோங்க: 'துணிவு' நாயகிக்கு ரசிகர்கள் வார்னிங்.!

மலையாள திரையுலகில் முன்னணி நடிகையாக திகழ்பவர் மஞ்சு வாரியர். கடந்த ஜனவரி மாதம் வெளியான 'துணிவு' படத்தில் முக்கியமான கதாபாத்திரத்தில் நடித்திருந்தார் இவர். இந்தப்படம் மூலம் ரசிகர்கள் மத்தியில் அமோக வரவேற்பையும் பெற்றார். இந்நிலையில் மஞ்சு வாரியர் காருக்குள் அட்ராசிட்டி செய்யும் வீடியோ ஒன்று சோஷியல் மீடியாவில் வைரலாகி வருகிறது.

அஜித், எச். வினோத், போனி கபூர் கூட்டணி மூன்றாவது முறையாக 'துணிவு' படத்தில் இணைந்தது. இந்தப்படத்தின் முதல்பாதி முழுக்க அஜித் ரசிகர்களுக்கான அதிரிபுதிரியான ட்ரீட்டாகவும், இரண்டாம் பாதி முழுக்க வங்கி பின்னணியில் நடக்கும் சம்பவங்களை தோலுரித்து காட்டும் விதமாகவும் உருவானது. கடந்த ஜனவரி மாதம் வெளியான 'துணிவு' படம் வசூலில் மிகப்பெரிய சாதனை படைத்தது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

'துணிவு' படத்தில் கண்மணி என்ற கதாபாத்திரத்தில் நடித்திருந்தார் மஞ்சு வாரியர். அஜித் கதாபாத்திரத்தை தொடர்ந்து இவரது கேரக்டர் ரசிகர்கள் மத்தியில் அமோக வரவேற்பினை பெற்றது. இதன் படப்பிடிப்பின் போது அஜித்துடன் லடாக் வரை பைக்கில் ட்ரிப் சென்றார் மஞ்சு வாரியர். இது தொடர்பான புகைப்படங்களும் சோஷியல் மீடியாவில் வைரலானது.

'துணிவு' படத்திற்கு பிறகு தமிழ் சினிமாவில் ரசிகர்கள் மத்தியில் மஞ்சு வாரியருக்கான வரவேற்பு கூடியுள்ளது. அண்மையில் வெளியான 'ஆயிஷா' படத்திலும் இவரது கேரக்டர் ரசிகர்கள் மத்தியில் அமோக வரவேற்பை பெற்றது. இந்நிலையில் மஞ்சு வாரியரும், பாவனாவும் ஒன்றாக காரில் லூட்டி அடித்து சென்றுள்ள வீடியோ இணையத்தில் வைரலாகி வருகிறது.

Leo: 'லியோ' படப்பிடிப்பிலிருந்து வெளியான வீடியோ: மெர்சல் காட்றாங்களேப்பா..!

'ஆயிஷா' படத்தில் இடம்பெற்ற பாடல் ஒன்றுக்கு மஞ்சு வாரியர், பாவனா காருக்குள் ஜாலியாக டான்ஸ் ஆடியுள்ளனர். காரை ஓட்டியபடி பாட்டுக்கு வைப் செய்துள்ளார் மஞ்சு வாரியர். இந்த வீடியோ சோஷியல் மீடியாவில் லைக்குகளை அள்ளி வருகிறது.


மேலும் இதனைப்பார்த்த ரசிகர்கள் கார் ஓட்டி கொண்டே பாட்டுக்கு டான்ஸ் ஆடுவது தப்பு என்றும் மஞ்சு வாரியருக்கு அட்வைஸ் செய்கின்றனர். இந்த வீடியோ அஜித் கண்ணில் பட்டால் போதும் அவ்வளவு தான் எனவும் வார்னிங் செய்து ஜாலியாக கமெண்ட் அடித்து வருகின்றனர். 'துணிவு' பட ரிலீசுக்கு பிறகு மஞ்சு வாரியர் அஜித்தை போல் பல லட்சம் மதிப்புடைய BMW கார் ஒன்றை வாங்கியது குறிப்பிடத்தக்கது.

Ayothi Review: மனிதத்தை பேசும் 'அயோத்தி ' படம் சொல்ல வருவது என்ன.?: முழு விமர்சனம்.!