'ஏகே 61' படத்தின் கொல மாஸ் அப்டேட்: இதென்ன புது ட்விஸ்ட்..!

நடிகர் அஜித், எச்.வினோத், போனி கபூர் கூட்டணியில் கடந்த 2019 ஆம் ஆண்டு வெளியான நேர்கொண்ட பார்வை படம் மாபெரும் வரவேற்பை பெற்றது. அதனை தொடர்ந்து இரண்டாவது முறையாக கிட்டத்தட்ட மூன்றாண்டுகள் கழித்து அதே கூட்டணியில் கடந்த பிப்ரவரி மாதம் 'வலிமை' படம் வெளியானது.

கடந்த பிப்ரவரி மாதம் வெளியான 'வலிமை' படம் வசூலில் சக்கை போடு போட்டாலும், ரசிகர்களின் எதிர்பார்ப்பினை முழுமையாக பூர்த்தி செய்யவில்லை. மேலும் இந்தப்படத்தில் அஜித்தின் லுக் மிக மோசமாக விமர்சிக்கப்பட்டது. வலிமையை தொடர்ந்து ‘ஏகே 61’ படத்தில் மூன்றாவது முறையாக வினோத், போனி கபூர், அஜித் மூவரும் இணைய உள்ளனர்.

'ஏகே 61' படத்திற்காக அஜித் ஏற்றுள்ள புதிய கெட்டப்பில் இருக்கும் புகைப்படங்கள் அண்மையில் வெளியாகி இணையத்தில் தீயாக பரவியது. 'வலிமை' படத்தில் ட்ரோல் செய்யப்பட்ட அஜித்தின் லுக் பற்றிய விமர்சனங்களை எல்லாம் அடித்து நொறுக்கும்படி புகைப்படங்கள் வெளியானது.

36 வருட தவம்.. உலக நாயகனின் பாராட்டால் நெகிழ்ந்து போன லோகேஷ் கனகராஜ்..!
இந்நிலையில் இந்தப்படத்தில் ‘அசுரன்’ படத்தில் தனுஷுக்கு ஜோடியாக நடித்த பிரபல மலையாள நடிகை மஞ்சுவாரியர் இணைந்துள்ளதாக தகவல்கள் வெளியாகியுள்ளது. இந்த செய்தி ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது. ஏற்கனவே இந்தப்படத்தில் தபு நடிக்கவுள்ளதாக தகவல்கள் பரவிய நிலையில் தற்போது மஞ்சு வாரியர் இணைந்துள்ளதாக செய்திகள் வெளியாகியுள்ளது.

'ஏகே 61' படப்பிடிப்பு ஹைதராபாத்தில் உள்ள ராமோஜிராவ் ஃபிலிம் சிட்டியில் விறுவிறுப்பாக நடைபெற்று வருகிறது. அஜித் நெகட்டிவ் கதாபாத்திரத்தில் நடிக்கவுள்ள இந்தப்படத்தின் திரைக்கதை வங்கி கொள்ளையை சுற்றி அமைக்கப்பட்டுள்ளதாகவும் கூறப்படுகிறது. மேலும் தீபாவளி ரிலீசாக படத்தை வெளியிட படக்குழுவினர் திட்டமிட்டுள்ளது குறிப்பிடத்தக்கது.