நக்மாவின் வாழ்க்கை வரலாறுதான் ‘ஜூலி 2’?

நடிகை நக்மாவின் வாழ்க்கை வரலாற்றை ‘ஜூலி 2’ என்ற பெயரில் படமாக எடுக்கப்பட்டுள்ளதாக கூறப்படுகிறது.

ராய் லட்சுமி தற்போது நடித்துள்ள பாலிவுட் படம் ‘ஜூலி 2’. ராய் லட்சுமி பாலிவுட்டில் நடிக்கும் முதல் இந்தி படம் இதுதான். இந்தப் படத்தை, தீபக் ஷிவ்தாசனி இயக்கியிருக்கிறார். சினிமாவில் நடிக்க ஒரு நடிகை என்னவெல்லாம் செய்கிறார் என்பதுதான் படத்தின் கதை. இந்தக் கதை, ஒரு நடிகையின் வாழ்க்கையில் நடந்த உண்மைக்கதை என்கிறார்கள்.

கான் நடிகர் ஒருவரின் படத்தின் மூலம் நடிகை திரையுலகிற்கு அறிமுகமானார். அதன் பின் தமிழ் மற்றும் தெலுங்குப் படங்களில் நடித்தார். 90களில் முன்னணி நடிகையாக வலம் வந்தார். இடையில் இவருக்கும், திருமணமான தெலுங்கு நடிகர் ஒருவருக்கும் நெருக்கம் ஏற்பட்டது. அதனால், தென்னிந்திய சினிமாவை விட்டு விலகிய இவர், போஜ்புரியில் நடிக்க ஆரம்பித்தார். அங்கும் ஒரு நடிகருடன் பழக்கம் ஏற்பட்டது. மிக முக்கியமான விஷயம், இவருடைய தங்கை தமிழ்நாட்டில் உள்ள பிரபல நட்சத்திரத்தின் மருமகள் என்கிறார்கள்.

இந்த செய்தியை வைத்துப் பார்த்தால், நக்மாவுக்குத்தான் அனைத்தும் பொருந்திப் போகின்றன. அப்படியென்றால் நக்மாவின் வாழ்க்கை சம்பவம்தான் ‘ஜுலி 2’ படமாக இருக்க வேண்டும் என்கிறார்கள்.