நயன்தாரா இல்லாமல் தனியாக பொங்கல் கொண்டாடிய விக்கி: இதுதான் காரணமா?

தமிழ் சினிமாவில் டாப் நடிகையாக வலம் வரும் நடிகை நயன்தாரா ரஜினி, அஜித், விஜய், தனுஷ், சூர்யா, விஷால் உள்ளிட்ட முன்னணி நடிகர்கள் அனைவருடனும் இணைந்து நடித்து விட்டார். தற்போது கதாநாயகிகளுக்கு முக்கியத்துவம் அளிக்கும் கதைக்களங்களை தேர்ந்தெடுத்து நடித்து வரும் நயன்தாரா, தெலுங்கு மலையாளம் உள்ளிட்ட மொழிகளிலும் முன்னணி நாயகியாக வலம் வந்து கொண்டிருக்கிறார்.

நயன்தாரா விக்னேஷ் சிவன் இயக்கத்தில் காதம்பரியாக 'நானும் ரவுடிதான்' படத்தில் நடித்த போது இருவருக்குள்ளும் காதல் மலர்ந்துள்ளதாக பரபரப்பு செய்திகள் வெளியாகின. அதனை தொடர்ந்து சிலகாலம் அமைதி காத்த இருவரும் தாங்கள் காதலித்து வருவதை செல்ஃபி புகைப்படங்கள் மூலமாக உறுதிப்படுத்தினார்கள்.

.ரசிகர்கள் மட்டுமல்லாமல் கோடம்பாக்கத்தினரும் நயன்தாரா, விக்னேஷ் சிவன் இருவரின் திருமணத்தையும் எதிர்பார்த்து காத்து கொண்டிருக்கின்றனர். அண்மையில் தன்னுடைய அம்மா பிறந்தநாளை கொச்சியில் காதலர் விக்னேஷ் சிவனுடன் மிக பிரமாண்டமாக கொண்டாடி மகிழ்ந்தார் நயன்தாரா. அதனை தொடர்ந்து தன்னுடைய பிறந்தநாளையும் காதலர் விக்னேஷ் சிவனுடன் இணைந்து கொண்டாடி மகிழ்ந்தார் நயன்தாரா.

நயன்தாராவை 'அந்த' விஷயத்தில் ஓவர்டேக் செய்யும் ராஷ்மிகா மந்தனா!
சமீபத்தில் 2022ஆம் ஆண்டு புத்தாண்டை துபாயில் நயன்தாராவும், விக்னேஷ் சிவனும் கொண்டாடினார்கள். இது குறித்த புகைப்படங்கள் மற்றும் வீடியோக்கள் இணைய தளங்களில் வெளியாகி வைரலானது. இந்நிலையில் தற்போது பொங்கல் பண்டிகையை நயன்தாரா இல்லாமல் தனியாக கொண்டாடியுள்ளார் விக்னேஷ் சிவன்.


விக்னேஷ் சிவன் தற்போது சபரிமலைக்கு சாமி தரிசனம் செய்ய சென்றுள்ளார். சபரிமலை ஐயப்பன் கோயில் முன்பு வேட்டி சட்டை அணிந்தபடி விக்னேஷ் சிவன் போஸ் கொடுத்து எடுத்த புகைப்படத்துடன் பொங்கல் வாழ்த்தை தெரிவித்துள்ளார் விக்னேஷ் சிவன். இந்த புகைப்படங்கள் தற்போது சமூக வலைதளங்களில் வைரலாகி வருகிறது.