வாவ்... 8 வருடங்களுக்குப் பிறகு தமிழில் ரீ எண்ட்ரி: கம்பேக்கிற்கு ரெடியான நஸ்ரியா..!

மலையாளத்தில் குழந்தை நட்சத்திரமாக இருந்து, டிவி நிகழ்ச்சியை தொகுத்து வழங்கியவர் நடிகை நடிகை நஸ்ரியா. தொடர்ந்து பல மலையாளப் படங்களில் நடித்து, குறும்பு தனங்களாலும், கியூட் ரியாக்ஷ்னாலும் ரசிகர்களின் உள்ளத்தை வெகுவாக கவர்ந்தார். இவருக்கென தனி ரசிகர்கள் பட்டாளமும் உருவானது.

தமிழில், ராஜா ராணி, நையாண்டி, நேரம், வாயை மூடிபேசவும் என குறைந்த படங்களையே அவர் நடித்திருந்தாலும் இன்றுவரை நஸ்ரியாவுக்கு என்றே தமிழ் சினிமாவில் ரசிகர்கள் பட்டாளம் உள்ளது. சினிமாவில் உச்சத்தில் இருக்கும் போதே தனது காதலனான நடிகர் பாஹத் பாசிலை திருமணம் செய்துகொண்டார்.

திருமணத்திற்குப் பின்னர் சினிமாவில் இருந்து சிலகாலம் ஒதுங்கி இருந்தார் நஸ்ரியா. அவ்வப்போது சில மலையாளப் படங்களில் நடித்து வந்தார். அதிலும் டிரான்ஸ் என்ற மலையாளப் படத்தில் தன் கணவர் பகத் பாசிலுடனே இணைந்து நடித்திருந்தார்.

மீண்டும் பார்முக்கு திரும்பிய ரஜினி.. இதுக்காக தான் இவ்வளவு நாள் வெயிட்டிங் தலைவா..!
இந்நிலையில் தற்போது ஒரு காமெடி லவ்ஸ்டோரியில் நடித்து கம் பேக் கொடுத்துள்ளார் நஸ்ரியா. தமிழில் நான்-ஈ படத்தின் மூலம் அறிமுகமாகி, வெப்பம் படத்தின் மூலம் பிரபலமான நடிகர் நானி, நஸ்ரியாவுக்கு ஜோடியாக நடித்துள்ளார்.


நஸ்ரியா நசிம்மின் இந்த கம்பேக் படத்திற்கு அடடா சுந்தரா என தலைப்பிடப்பட்டுள்ளது. வரும் 20 ஆம் தேதி காலை 11.07 மணிக்கு இப்படத்தின் டீசர் வெளியாகவுள்ளது. இப்படம் ஜூன் 10 ஆம் தேதி தமிழ், தெலுங்கு, மலையாளம் ஆகிய 3 மொழிகளில் திரைக்கு வரவுள்ளது. நீண்ட இடைவெளிக்குப் பிறகு தமிழில் நஸ்ரியாவின் படம் வெளியாகவுள்ளதால் ரசிகர்கள் மகிழ்ச்சியில் உள்ளனர்.