ஆரவ்வை காதலிப்பதற்காக முன்கூட்டியே ஹோம் ஒர்க் செய்து வருகிறேன்: நிகிஷா படேல்!

மார்க்கெட் ராஜா எம்.பி.பி.எஸ் படத்தில் நடிகர் ஆரவ்வின் காதலியாக நடிப்பதால் அதற்காக முன்கூட்டியே ஹோம் ஒர்க் செய்து வருகிறேன் என்று நிகிஷா படேல் கூறியுள்ளார்.

பிரபல இயக்குனர் சரண் இயக்கத்தில் தற்போது உருவாகி வரும் படம் ‘மார்க்கெட் ராஜா எம்.பி.பி.எஸ். இந்தப் படத்தில் பிக்பாஸ் ஆரவ் ஹீரோவாக நடிக்கிறார். அவருக்கு ஜோடியாக பிரபல நடிகை நிகிஷா படேல் நடிக்கிறார். மேலும் படத்தில் ஆரவ் அம்மாவாக நடிகை ராதிகா சரத்குமார் நடிக்கிறார்.

இந்தப் படம் குறித்து நிகிஷா படேல் கூறுகையில், ‘‘தமிழில் எழில் இயக்கத்தில் ஜி.வி.பிரகாஷ் குமாருக்கு ஜோடியாக பெயரிடப்படாத ஒரு படத்தில் நடித்து வருகிறேன். மேலும், சரண் இயக்கத்தில் உருவாகும் ‘மார்க்கெட் ராஜா எம்.பி.பி.எஸ்.’ படத்தில் ஆரவ் காதலியாக நடிக்கிறேன். கதையில் அதிக ஆதிக்கம் செலுத்தும் காதலி கதாபாத்திரம் என்பதால், முன்கூட்டியே வீட்டில் ஹோம் ஒர்க் செய்து வந்து நடித்து வருகிறேன். படத்தில் ஒளிப்பதிவாளர் சரண், கே.வி.குகன் இருவரும்படத்தில் என்னை மாடர்ன் கேரக்டராக வடிவமைத்துள்ளனர் என்றார்.