திருமணத்திற்கு தயாரான மலையாள நடிகை!

பொதுவாக சினிமா பிரபலங்கள் பெரும்பாலும், சினிமாவில் நிலைத்து நின்ற பிறகே திருமணம் குறித்து முடிவு செய்கின்றனர். தற்போது வரை பல மொழிகளில் சிறந்து விளங்கிய தமன்னா, அனுஷ்கா, த்ரிஷா, காஜல் அகர்வால், ரகுல் ப்ரீத் சிங், நயன்தாரா ஆகிய முன்னணி நடிகைகள் இன்னும் திருமணம் குறித்து எந்தவித அறிவிப்பும் வெளியிடவில்லை.

அப்படியிருக்கும் போது மலையாள நடிகைகள் நவ்யா நாயர், காவ்யா மாதவன், நஸ்ரியா நசீம், ப்ரியாமணி, பாவனா என்று பல நடிகைகள் திருமணம் செய்து கொண்டு செட்டிலாகிவிட்டனர். திருமணத்திற்கு பிறகும் சில நடிகைகள் சினிமாவில் நடித்து வருகின்றனர். உதாரணமாக ஜோதிகா, சிம்ரன் ஆகியோரை குறிப்பிடலாம். சின்னத்திரையிலும் பிரபலங்கள் ஆர்வம் காட்டி நடித்து வருகின்றனர்.

மீண்டும் போலீஸாக அருண் விஜய்!

மகாமுனி படம் எப்படி? ஆர்யா பதில்!

Vivek: கவர்ச்சியில் குதித்த நடிகைக்கு உதவி கேட்ட விவேக்!

இந்த நிலையில், தமிழில் கேணி படத்தில் நடித்த மலையாள நடிகை பார்வதி நம்பியார் தனது நிச்சயதார்த்த புகைப்படத்தை சமூக வலைதளத்தில் பதிவிட்டுள்ளார். பைலட்டாக இருக்கும் வினித் மேனனுடன் தனக்கு நிச்சயதார்த்தம் நடந்தது என்று குறிப்பிட்டு நிச்சயதார்த்த புகைப்படத்தையும் பதிவிட்டுள்ளார். ஆனால், திருமணம் எப்போது என்று அவர் குறிப்பிடவில்லை என்பது குறிப்பிடத்தக்கது.