நடிகையின் வித்தியாசமான புகை எதிர்ப்பு பிரசாரம்!

நடிகை பியா பாஜ்பாயின் வித்தியாசமான புகை எதிர்ப்பு பிரசாரம் எல்லோரையும் கவர்ந்துள்ளது.

நடிகை பியா பாஜ்பாயின் புகை எதிர்ப்பு பிரசாரம் வித்தியாசமாக உள்ளது. இது பிசாரம் ரசிகர்களிடையே நல்ல வரவேற்பைப் பெற்றுள்ளது. சினிமாவில் வரும் நட்சத்திரங்கள் மது மற்றும் புகையிலையை பயன்படுத்துவதை பார்த்து அதேபோல் ரசிகர்களும் பயன்படுத்தி வருகின்றனர். மேலும் காலப்போக்கில் அதற்கு அடிமையாகிவிடுகின்றனர்.

இது குறித்து ஏற்பட்ட விழிப்புணர்வு பிரசாரத்தால், நடிகர்கள் ரஜினி, விஜய், ராகவா லாரன்ஸ் உள்ளிட்ட பலர், அது போன்ற காட்சிகளில் தற்போது நடிப்பதில்லை. ஆனால் தற்போதைய நடிகைகள் நயன்தாரா, ஹன்சிகா, தமன்னா உள்ளிட்டவர்கள் மது குடிப்பது போன்றும், சிகரெட் புகைப்பது போன்றும் காட்சிகளில் நடித்து வருகின்றனர். இந்நிலையில், புகையிலை உயிரை பறிக்கும் என்ற வாசகத்துடன், சிகரெட் புகைப்பது போன்ற படத்தை, நடிகை பியா பாஜ்பாய் சமூக வலைதளத்தில் வெளியிட்டு உள்ளார். இந்த விளம்பரத்திற்கு ஏராளமான ரசிகர்கள் வரவேற்பு அளித்துள்ளனர். இவர் தமிழில், ‘ஏகன்’, ‘கோவா’ ஆகிய படங்களில் நடித்துள்ளார்.