சர்ப்ப தோஷ பரிகார பூஜை செய்த நடிகை பிரணிதா!

திருமண தோஷத்திற்காக நடிகை பிரணிதா காளஹஸ்தியில் சர்ப்ப தோஷ பரிகார பூஜை செய்ததாக கூறப்படுகிறது.

நடிகை பிரணிதா, தமிழில் ‘சகுனி’, ‘எனக்கு வாய்த்த அடிமைகள்’, ‘ஜெமினிகணேசனும் சுருளிராஜனும்’, ‘உதயன்‘ உட்பட பல படங்களில் நடித்துள்ளார். குடும்பப்பாங்கு, கிளாமர் என மாறுபட்ட வேடங்களில் நடித்த்து வந்தாலும் அது ரசிகர்களிடம் பெரிதாக எடுபடவில்லை. தற்போது இவர் ‘காலிபட்டா 2’ என்ற ஒரு கன்னட படத்தில் மட்டும் நடித்து வருகிறார். அதன் படப்பிடிப்பும் தற்போது முடியும் தருவாயில் உள்ளது. இதையடுத்து சொந்தமாக தொழில் தொடங்குவதில் ஆர்வம் காட்டி வந்தார்.

தற்போது பெங்களூரில் சொந்தமாக ரெஸ்டாரன்ட் தொடங்கி நடத்தி வருகிறார். இதற்கிடையில் குடும்பத்தினர் அவரை திருமணம் செய்துகொள்ளும்படி வற்புறுத்தி வருகின்றனர். தனக்கு தோஷம் இருப்பதால் தான் திறமையிருந்தும் முன்னணி இடத்துக்கு வரமுடியவில்லை என்று பிரணிதா எண்ணினார். இதையடுத்து தோஷ நிவர்த்தி சிறப்பு பூஜை நடத்த முடிவு செய்தார்.

நடிகை பிரணிதா சித்தூரில் உள்ள காளஹஸ்தி கோயிலுக்கு சென்று ராகு கேது சர்ப்ப தோஷ நிவாரண சிறப்பு பூஜை செய்தார். பூஜையில் பிரணிதாவின் குடும்பத்தினரும் கலந்துகொண்டனர்.