கொரோனா காலத்தில் நடிகை ராஷி கண்ணா செய்த செயல்: குவியும் பாராட்டுக்கள்!

இந்தியா முழுவதும் கொரோனா இரண்டாம் அலையின் தாக்கம் மெல்ல மெல்லமாக குறைந்து வருகிறது. கொரோனா இரண்டாம் அலை காரணமாக பாதிக்கப்பட்டுள்ள சாலையோரம் வசிக்கும் ஆதரவற்றோர்களுக்கு சமூக ஆர்வலர்களும், திரையுலக பிரபலங்களும் உதவி செய்து வருகின்றனர். இந்நிலையில் சாலையோரம் வசிக்கும் ஆதரவற்றோர் 1200 நபர்களுக்கு உணவு வழங்கியுள்ளார் நடிகை ராசி கண்ணா.

கடந்த 2018-ஆம் ஆண்டு நயன்தாரா நடிப்பில் வெளியான இமைக்கா நொடிகள் படத்தின் மூலம் தமிழ் சினிமாவில் அறிமுகமானவர் ராஷி கண்ணா. இதையடுத்து அவர் ஜெயம் ரவியுடன் அடங்கமறு, விஷாலுடன் அயோக்யா, விஜய் சேதுபதியுடன் சங்கத்தமிழன் போன்ற படங்களில் நடித்து ரசிகர்களிடையே பிரபலமடைந்தார் . தற்போது இவர் கைவசம் துக்ளக் தர்பார், அரண்மனை-3, மேதாவி உள்ளிட்ட படங்கள் உள்ளன.

டெல்லியைச் சேர்ந்த நடிகை ராஷி கண்ணா, மெட்ராஸ் கபே என்ற படம் மூலமாக இந்தி திரையுலகில் முதன் முறையாக அடியெடுத்து வைத்தார். தமிழ் மட்டுமல்லாமல்இந்தி, தெலுங்கு, மலையாளம் உள்ளிட்ட மொழித் திரைப்படங்களிலும் முன்னணி நடிகையாக வலம் வந்து கொண்டிருக்கிறார் ராஷி கண்ணா. இந்நிலையில் தற்போது ஹைதராபாத்தில் சாலையோரம் உணவில்லாமல் கஷ்டப்படும் மக்களுக்கு பழங்கள் மற்றும் பிரெட் போன்ற உணவு பொருட்களை வழங்கியுள்ளார் ராஷி கண்ணா.

பேஸ்புக் லைக்கால் வந்த வினை: மன்னிப்பு கேட்கும் தனுஷ் பட நடிகை!
நடிகை ராஷி கண்ணா, பி தி மிராக்கல் என்கிற நிறுவனத்துடன் இணைந்து இந்த சேவையை செய்துள்ளார். இதற்காக சாலையோரங்களில் வாழும் ஏழை மக்களை தேடி சென்று, பழங்கள் மற்றும் ஸ்டோர் செய்து இரண்டு மூன்று நாட்களுக்கு சாப்பிடக்கூடிய பிரட், பிஸ்கட் போன்ற உணவுகளை சுமார் 1200 பேருக்கு வழங்கியுள்ளனர்.


இது தொடர்பாக அவர் தனது ட்விட்டர் பக்கத்தில் ‘நம்மை விட்டால் வேறு யாரு, இப்போது இல்லை என்றால் எப்போது?. நன்கொடையளிக்கப்பட்ட ஒவ்வொரு பைசாவும் ஒவ்வொரு நாளும் 1,200 பேருக்கு ரொட்டி வாங்கி உணவளிக்க உதவியுள்ளது. தொடர்ந்து ஆதரவளிக்கவும்’ என பதிவிட்டுள்ளார். நடிகை ராஷி கண்ணாவின் இந்த செயலுக்கு ரசிகர்கள் பாராட்டுக்கள் தெரிவித்து வருகின்றனர்.