உடல் உறுப்புகளை தானம் செய்த ‘கபாலி’ பட நடிகை!

‘கபாலி’பட நடிகை ராதிகா ஆப்தே, தன்னுடைய உடல் உறுப்புகளை தானம் செய்ய முன்வந்துள்ளார்.

நடிகை ராதிகா ஆப்தே, பாலிவுட்டில் முன்னணி நடிகையாக இருந்து வருகிறார். தற்போது இவர் ஒரு தைரியமான முடிவை எடுத்துள்ளார். அதாவது தான் இறந்த பிறகு தன்னுடைய உடல் உறுப்புகளை தானம் செய்ய முன்வந்துள்ளார்.

நடிகை ராதிகா ஆப்தே, தமிழில், ‘ஆல் இன் ஆல் அழகு ராஜா‘, ‘கபாலி’ ஆகிய படங்களில் நடித்துள்ளார். ரஜினிக்கு மனைவியாக ‘கபாலி’ படத்தில் நடித்த பிறகு இவருக்கு ஏராளமான ரசிகர்கள் கிடைத்தனர்.

நடிகை ராதிகா ஆப்தே, மாதவிடாய் காலங்களில் பெண்கள் கடைபிடிக்க வேண்டிய சுகாதாரம் குறித்து விழிப்புணர்வு ஏற்படுத்தி வருகிறார். இப்போது, இறப்புக்குப் பிறகு மற்றவர்களுக்கு பயன்படும் வகையில், உடல் உறுப்புகளை தானம் செய்ய முன்வந்துள்ளார். உடல் உறுப்பு தானத்திற்கு பதிவிட்ட கொடையாளி என்பதற்கான அடையாள அட்டையை ட்விட்டரில் பதிவிட்டு இதை செய்வதற்கு இரண்டு நிமிடங்கள்தான் ஆனது என ட்வீட் செய்துள்ளார்.