அமெரிக்கா வாழ் தமிழர் இயக்கத்தில் நடிகை ரக்ஷிதா!

அமெரிக்கா வாழ் தமிழராக இருப்பவர் ஆரோக்கியசாமி கிளமென்ட். இவர் தற்போது ‘முடிவில்லா புன்னகை’ என்ற படத்தை இயக்கி வருகிறார். இந்தப் படம் குறித்து அவர் கூறுகையில், ‘‘சினிமா துறையில் நிறைய சாதிக்க வேண்டும் என்ற லட்சியத்துடன் இறங்கினேன். அதற்கு பல நண்பர்கள் உதவினர். சில படங்களில் சிறுசிறு வேடங்களில் நடித்தேன். மேலும் சினிமா சம்மந்தப்பட்ட தொழில்நுட்ப பணிகளையும் தெரிந்து கொண்டேன்.

குடும்ப சூழ்நிலை காரணமாக கடந்த 15 வருடத்துக்கு முன் அமெரிக்கா சென்றேன். அங்கு நான் ஆடம்பர வாழ்க்கை வாழ்ந்தாலும் சினிமா மோகம் என்னை விடவில்லை. அதன் விளைவாகவே ‘முடிவில்லா புன்னகை படத்தை’ படத்தை இயக்குகிறேன். இதன் கதை, திரைக்கதை, வசனம், இசை, ஒளிப்பதிவு, பாடல் மற்றும் தயாரிப்பு ஆகிய பொறுப்புகளையும் ஏற்றிருப்பதுடன் முக்கிய வேடத்திலும் நடிக்கிறேன்.

இந்தப் படத்தில் ஹீரோவாக டிட்டோ அறிமுகமாகிறார். அவருக்கு ஜோடியாக நடிகை ரக்ஷிதா நடிக்கிறார்.காமெடி கலந்த வில்லனாக கூல் சுரேஷ் நடிக்கிறார். விரைவில் இப்படம் திரைக்கு வரவுள்ளது. ஏற்கனவே பல குறும்படங்கள் இயக்கி அதற்காக பல விருதுகள் வாங்கியிருக்கிறேன்’’ என்றார்.