சிவகார்த்திகேயனுடன் டூயட் பாட தயாராகும் கெளதம் மேனன் பட நாயகி!

சிவகார்த்திகேயன் நடிப்பில் அண்மையில் வெளியான டாக்டர் படம் ரசிகர்களிடம் அமோக வரவேற்பினை பெற்றது. அதனை தொடர்ந்து தற்போது அறிமுக இயக்குனர் சிபி சக்கரவர்த்தி இயக்கும் 'டான்' படத்தில் நடித்து முடித்துள்ளார். இந்தப்படத்தின் பர்ஸ்ட் லுக் போஸ்டர் வெளியாகி வரவேற்பை பெற்றது.

கொரோனா இரண்டாம் அலை அச்சத்தால் நிறுத்தி வைக்கப்பட்ட சிவகார்த்திகேயனின் 'டான்' படப்பிடிப்பு கடந்த சில மாதங்களுக்கு முன்பாக சென்னையில் துவங்கியது. ஏற்கனவே கடந்த பிப்ரவரி மாதம் 'டான்' படத்திற்கான பூஜை போடப்பட்டு, முதற்கட்ட படப்பிடிப்பு நிறைவடைந்தது. அதனை தொடர்ந்து இறுதிக்கட்ட படப்பிடிப்பு அண்மையில் விறுவிறுப்பாக நடைபெற்றது.

இந்தப்படத்தை அட்லீயிடம் உதவி இயக்குனராக பணியாற்றிய சிபிச்சக்கரவர்த்தி இயக்குகிறார். இந்த படத்தில் சிவகார்த்திகேயன் மற்றும் சூரி ஆகிய இருவரும் கல்லூரி மாணவர்களாக நடிக்கின்றனர். பிரியங்கா அருள்மோகன் நாயகியாக நடிக்கும் இந்த படத்தில் புகழ், ஷிவாங்கி, எஸ்.ஜே.சூர்யா, காளி வெங்கட் உள்பட பலர் நடிக்கின்றனர். அனிருத் இசையமைக்கும் இந்த படத்தை லைக்கா நிறுவனத்துடன் இணைந்து சிவகார்த்திகேயன் புரொடேக்சன்ஸ் தயாரித்து வருகிறது.

நானும் சில தப்பு பண்ணிருக்கேன்.. இப்போ ஜாக்கிரதையா இருக்கேன் - நடிகை பூர்ணா!
இந்நிலையில் அண்மையில் தமிழ் தெலுங்கில் தயாராகும் புதிய படம் ஒன்றில் நடிக்க ஒப்பந்தம் ஆனார் சிவகார்த்திகேயன். இந்த படத்தை அறிமுக இயக்குனர் அனுதீப் இயக்கவுள்ளார். இந்நிலையில் இந்தப்படத்தில் சிவகார்த்திகேயன் ஜோடியாக ரிது வர்மா நடிக்க உள்ளதாக தகவல்கள் வெளியாகியுள்ளன.


தேசிங்கு பெரியசாமி இயக்கத்தில் துல்கர் சல்மான் நடிப்பில் வெளியாகி சூப்பர் ஹிட்டடித்த ’கண்ணும் கண்ணும் கொள்ளையடித்தால்’ படம் மூலம் தமிழ் சினிமாவில் கதாநாயகியாக அறிமுகமானவர் ரிது வர்மா. இவர் தெலுங்கிலும் பிரபல நடிகை என்பது குறிப்பிடத்தக்கது. சிவகார்த்திகேயன் தற்போது ரவிக்குமார் இயக்கத்தில் உருவாகும் ‘அயலான்’ மற்றும் ’சிங்கப்பாதை’ ஆகிய படங்களில் நடித்து வருகிறார்.