நடிகை ரூபிணியின் தாயார் மரணம்!

நடிகை ரூபிணியின் தாயார் உடல்நலக்குறைவு காரணமாக மரணமடைந்துள்ளார்.

1980 மற்றும் 90-களில் முன்னணி நடிகையாக வலம் வந்தவர் நடிகை ரூபிணி. இவரது பிறப்பிடம் மும்பை. இவரது தாயார் இன்று மும்பையில் காலமானார். வயது முதிர்வு மற்றும் உடல் நலக்குறைவு காரணமாக அவர் உயிரிழந்ததாக கூறப்படுகிறது.

நடிகை ரூபிணி தமிழ், தெலுங்கு, மலையாளம், கன்னடம் மற்றும் இந்தி என சுமார் 100க்கும் மேற்பட்ட படங்களில் நடித்துள்ள இவர், விஜயகாந்த்தின் ‘கூலிக்காரன்’ படம் மூலம் தமிழ் சினிமாவில் அறிமுகமானவர். கடைசியாக ‘தாமரை’ என்ற படத்தில் நெப்போலியனுக்கு ஜோடியாக ரூபிணி நடித்தார். அதன்பின் குடும்பத்தோடு மும்பையில் வசித்து வருகிறார். தற்போது அவரது தாயார் மரணமடைந்தது அவரை பெரிதும் வருத்தத்தில் ஆழ்த்தியுள்ளது.