Sandalwood Debut : கன்னடத்தில் நடிக்கும் சாய் பல்லவி!

‘பிரேமம்’ என்ற மலையாள படத்தின் மூலம் தென்னிந்தியா முழுவதும் பிரபலமானவர் நடிகை சாய் பல்லவி. இந்தப் படத்தை அடுத்த நடிகை சாய் பல்லவி, தெலுங்கில் ‘பிடா’, ‘மிடில் கிளாஸ் அப்பாயி’ என்ற படங்களில் நடித்தார். பின்னர், 'மாரி 2' படத்தில் தனுஷுடன் நடித்து இருந்தார்.

இந்தப் படத்தில் வெளியான ரவுடி பேபி பாடல் சூப்பர் ஹிட் ஆனது. இதற்கு முன்னதாக பிரேமம் படத்தின் மூலம் இவரது நடிப்பு வெளியுலகிற்கு தெரிய வந்தது. இதையடுத்து, கடந்த 2018ல் கரு படத்தில் நடித்து இருந்தார்.

இந்தப் படத்தை இயக்கியவர் ஏ.எல்.விஜய். இந்தப் படத்தின்போது விஜய்க்கும், சாய் பல்லவிக்கும் காதல் மலர்ந்ததாகவும், விரைவில் சாய் பல்லவியை விஜய் இரண்டாவது திருமணம் செய்ய இருப்பதாகவும் ஒரு செய்தி கடந்த இரண்டு நாட்களுக்கு முன்பு வெளியானது.

தற்போது செல்வராகவன் இயக்கத்தில் நடித்து வரும் நடிகர் சூர்யாவுக்கு ஜோடியாக ‘என்ஜிகே’ படத்தில் நடித்து வருகிறார். மேலும் பகத்பாசிக்கு ஜோடியாக ‘அதிரன்’ என்ற மலையாள படத்திலும் நடித்து வருகிறார்.

இந்தநிலையில், நடிகை சாய் பல்லவி, முதன்முதலாக ஒரு கன்னட படத்தில் அறிமுகமாகிறார். கன்னட நடிகை ரக்ஷிதாவின் கணவர் பிரேம் இந்த படத்தை இயக்குகிறார். சாய் பல்லவி லீடு ரோலில் நடிக்கும் இந்த படம் மெகா பட்ஜெட்டில் தயாராகிறது.

நோயால் அவதிப்படும் சாய் பல்லவி...