லிவிங் டூ கெதர் எனக்கு செட் ஆகாது: திருமண வாழ்க்கை தான் ரொம்ப பிடிக்கும்: சாய் பல்லவி!

எனக்கு லிவிங் டூ கெதர் எல்லாம் பிடிக்காது என்றும் திருமண வாழ்க்கையே பிடிக்கும் என்றும் நடிகை சாய் பல்லவி தெரிவித்துள்ளார்.

தமிழ் சினிமாவில் முன்னணி நடிகைகளில் ஒருவராக இருப்பவர் நடிகை சாய் பல்லவி. இவரது நடிப்பில் சமீபத்தில் மாரி 2 படம் வெளியாகி ரசிகர்களிடையே நல்ல வரவேற்பைப் பெற்றது. ஆனால், வசூல் ரீதியாக போதுமான வரவேற்பைப் பெறவில்லை என்றே கூறலாம். தற்போது சூர்யாவின் என்.ஜி.கே. படத்தில் விறுவிறுப்பாக நடித்து வருகிறார்.

இப்படத்தைத் தொடர்ந்து பகத் பாசிலுடன் ஒரு மலையாள படத்தில் நடிக்க இருக்கிறார். இந்த நிலையில், காதல் திருமணம், லிவிங் டூ கெதர் என்று ஒரு பேட்டியில் மனம் திறந்து பேசிய சாய் பல்லவி கூறுகையில், எனது கல்லூரி நாட்களில் புத்தகங்களை காதலித்தேன். தற்போது சினிமாவை காதலிக்கிறேன். எனது தனிப்பட்ட வாழ்க்கையில், லிவிங் டூகெதர் உறவு எனக்கு தேவையில்லை. இது அவரவர் விருப்பம். என்னைப் பொறுத்தவரை எனக்கு அது போன்று விருப்பம் இல்லை. எனக்கு திருமண வாழ்க்கை தான் ரொம்பவும் பிடித்திருக்கிறது என்று கூறியுள்ளார் என்பது குறிப்பிடத்தக்கது.