தனுஷ் படத்துக்காக காத்திருக்கும் சாய் பல்லவி!

நடிகர் தனுஷ் நடிப்பில் உருவாகிவரும் படம் ‘மாரி 2’. இந்தப் படத்தை பாலாஜி மோகன் இயக்கி வருகிறார். இந்தப் படத்தில் தனுஷ் ஜோடியாக நடிகை சாய் பல்லவி நடித்துள்ளார். மேலும் படத்தில் கிருஷ்ணா, வரலட்சுமி, வித்யா பிரதீப் உட்பட பலர் நடித்துள்ளனர். படத்தில் மலையாள நடிகர் டோவினோ தாமஸ் தனுஷுக்கு வில்லனாக நடித்துள்ளார்.

படத்திற்கு யுவன்சங்கர்ராஜா இசையமைக்கிறார். படத்தை தனுஷ் தயாரித்துள்ளார். இந்நிலையில், இந்த படத்தின் பர்ஸ்ட் லுக் போஸ்டர் நாளை வெளியாகும் என்று படக்குழு அறிவித்துள்ளது. நடிகை சாய் பல்லவி தமிழில் நடித்த ஒரே படம் ‘கரு’. இந்தப் படத்தை அவர் பெரிதாக நம்பியிருந்தார். அது சரியாக போகாததால் ‘மாரி 2’ படத்தை பெரிதாக நம்பி காத்திருக்கிறார் சாய் பல்லவி.