நான் கர்ப்பமாக இருக்கிறேனா? நடிகை சமந்தா அளித்த விளக்கம் இதுதான்!

தென்னிந்தியாவில் முன்னணி நடிகையாக வலம் வந்து கொண்டிருப்பவர் சமந்தா. தெலுங்கு நடிகர் நாக சைதன்யாவை திருமணம் செய்து கொண்ட பின்பும், பிஸியாக பல்வேறு படங்களில் நடித்து வருகிறார்.

இந்நிலையில் டுவிட்டரில் தனது பெயரை சமந்தா ருத் பிரபு என்பதில் இருந்து, பேபி அக்கினேனி என்று சமீபத்தில் மாற்றி இருந்தார். உடனே சமந்தா நிச்சயம் கர்ப்பமாகத் தான் இருக்கிறார் என தகவல்கள் பரவத் தொடங்கின.

சமூக வலைத்தளங்களில் எப்போதும் தீவிரமாக இயங்கி வருபவர் சமந்தா. அவரை டேக் செய்து பதிவிடும் கேள்விகளுக்கு, தவறாமல் பதில் கூறி வருகிறார். அந்த வகையில் சமீபத்தில் ரசிகர் ஒருவர், சமந்தா கர்ப்பமாக இருக்கிறாரா? என்று கேள்வி எழுப்பி இருந்தார்.

இதைக் கண்ட சமந்தா, நான் கர்ப்பமாக இருக்கிறேனா? அப்படி எதையாவது நீங்கள் கண்டுபிடித்து இருந்தால், எனக்கு தெரியப்படுத்தவும் என்று குறிப்பிட்டுள்ளார். இதன்மூலம் சமந்தா கர்ப்பமாக இல்லை என்று தெரியவந்துள்ளது.

டுவிட்டரில் நடந்த பெயர் மாற்றம் குறித்து விசாரிக்கையில், அது “ஓ பேபி” என்ற படத்தை புரமோஷன் பணிகளுக்காகத் தான் என்று கூறப்பட்டுள்ளது.