அறுவை சிகிச்சை செய்து கொண்ட சித்தார்த்!

தமிழ் சினிமாவில் ‘பாய்ஸ்’ படத்தில் இயக்குனர் ஷங்கரால் அறிமுகப்படுத்தப்பட்டவர் நடிகர் சித்தார்த். இவர் தமிழ் சினிமாவில் சாக்லேட் பாயாக வலம் வருகிறார். இவருக்கு ஆண் ரசிகர்களை விட ஏராளமான பெண் ரசிகர்கள் உள்ளனர். இவர் ‘பாய்ஸ்’ படத்தை அடுத்து பல்வேறு வித்யாசமான கதாபாத்திரத்தை தேர்ந்தெடுத்து பல படங்களில் நடித்து வருகிறார். மேலும், நடிகர் சித்தார்த் பல்வேறு சமூக பிரச்சனைகளிலும் ஈடுபட்டு வருகிறார்.

நடிகர் சித்தார்த்துக்கு ஏற்னெவே தோள்பட்டையில் காயம் ஏற்பட்டிருந்தது. தற்போது அதற்காக அறுவை சிகிச்சை செய்து கொண்டு கடந்த 2 மாதங்களாக ஓய்வில் இருந்து வருகிறார். இது சித்தார்த் ரசிகர்களுக்கு பெரும் வருத்தத்தை ஏற்படுத்தியுள்ளது. ஆனால், தற்போது நடிகர் சித்தார்த் உடல் நலம் தேறி வந்து படங்களில் வழக்கம் போல நடித்து வருகிறார்.தற்போது தமிழில் ‘சைத்தான் கி பச்சா’ படத்தில் நடித்து வருகிறார் என்பது குறிப்பிடத்தக்கது.

இந்நிலையில் தனது ட்விட்டர் பக்கத்தில் மன திருப்தியாக இவ்வருடம் முடிகிறது, அடுத்த வருடம் முழுவதும் பட ரிலீஸ் இருக்கிறது. கடந்த இரண்டு மாதமாக தோள்பட்டை அறுவை சிகிச்சை, படப்பிடிப்புகள், வைரஸ் தொற்று இதையெல்லாம் பார்த்துவிட்டேன், 2018 போதும், அடுத்த வருடம் பார்ப்போம்’’ என்று டுவிட் செய்துள்ளார்.