சுஜா வருணி – சிவாஜி தேவ் திருமணத்தை நடத்தி வைக்கும் கமல் ஹாசன்!

பிக் பாஸ் புகழ் சுஜா வருணியின் திருமணத்தை கமல் ஹாசன் நடத்தி வைக்க இருப்பதாக தகவல் வெளியாகியுள்ளது.

தமிழ் மற்றும் தெலுங்குப் படங்களில் நடித்து வருபவர் சுஜா வருணி. இவர் ப்ளஸ் டூ என்ற தமிழ் படத்தின் மூலம் தமிழ் சினிமாவில் அறிமுகமாகி, மிளகா என்ற படத்தின் மூலம் பிரபலமானார். தற்போது வாடீல் என்ற படத்தில் நடித்து முடித்திருக்கிறார்.

இதற்கு முன்னதாக பிக் பாஸ் சீசன் ஒன்று நிகழ்ச்சியில் பங்கேற்று வெளியேறினார். பிக் பாஸ் மூலம் இவர் மிகவும் பிரபலம் ஆனார். இதையடுத்து இவர் பற்றி பல கிசு கிசுக்கள் வெளியாயின. இவரும் மறைந்த நடிகர் சிவாஜி கணேசனின் மூத்த மகன் ராம் குமாரின் மகன் சிவாஜி தேவ் என்ற சிவக்குமாரும் காதலித்து வருவதாகவும், திருமணம் செய்ய இருப்பதாகவும் செய்தி வெளியானது. திருப்பதி சென்று இருந்த இருவரும் ஒன்றாக எடுத்துக் கொண்ட புகைப்படமும் வெளியானது.

மறைந்த நடிகர் சிவாஜி கணேசன் பேரனுடன் சுஜா வருணிக்கு திருமணம்!!

இதை இருவரும் மறுத்து, நண்பர்களாக பழகி வருகிறோம் என்று விளக்கம் அளித்து இருந்தனர். இவர்கள் இருவரும் மோதிரம் மாற்றிக் கொண்டதாகவும் செய்தி வெளியானது. இந்த நிலையில் நீண்ட நாட்கள் காதலித்து வரும் காதலர் சிவக்குமாரை நவம்பர் 19ம் தேதி திருமணம் செய்ய இருப்பதாக சுஜா வருணி பேட்டி ஒன்றில் தெரிவித்துள்ளார். சிவாஜி தேவ் தனது பெயரை சினிமாவுக்காக சிவக்குமார் என்று மாற்றி நடித்து வருகிறார். சிங்கக்குட்டி, புதுமுகங்கள் தேவை, இதுவும் கடந்துபோகும் ஆகிய படங்களில் சிவாஜி தேவ் நடித்துள்ளார்.

இந்த நிலையில் தற்போது திருமண அழைப்பிதழில் படுபிஸியாக இருக்கும் சுஜா வருணி – சிவாஜி தேவ், இருவரும் இணைந்து கமல் ஹாசனுக்கு என்று சிறப்பு அழைப்பிதழ் கொடுத்துள்ளனர். இது குறித்து சுஜா கூறுகையில், கமல் அப்பாவை சந்தித்தேன். எனது தந்தை இடத்தில் இருந்து கமல் தான் நடத்தி வைக்கயிருக்கிறார் என்று அவர் கூறியுள்ளார் என்பது குறிப்பிடத்தக்கது.