நான் பண்ண தப்பு அதுதான்.. தனுஷ் பட நடிகையின் ஓபன் டாக்!

தமிழ் சினிமா ரசிகர்கள் மத்தியில் ஆடுகளம் ப்படம் மூலம் பிரபலமானவர் நடிகை டாப்சி. வெற்றிமாறன் இயக்கத்தில் வெளியான இந்தப்படத்தில் தனுஷ் ஜோடியாக நடித்திருந்தார். இவர் தற்போது தமிழ், இந்தி மற்றும் தெலுங்கு மொழி திரைப்படங்களில் பிசியான நடிகையாக வலம் வந்து கொண்டிருக்கிறார்.

அண்மையில் டாப்சி நடிப்பில் இந்தியில் ஹசீன் தில்ருபா படம் நெட்பிளிக்சில் வெளியானது. விக்ராந்த் மாசேவுடன் இவர் நடித்திருந்த இந்த படத்திற்கு கலவையான விமர்சனங்கள் வந்தன. தமிழில் கடைசியாக விஜய் சேதுபதியுடன் அனபெல் சுப்ரமணியம் என்ற படத்தில் நடித்திருந்தார்.

இந்நிலையில் நடிகை டாப்ஸி அண்மையில் அளித்துள்ள பேட்டி ஒன்றில், 'நான் தமிழ், தெலுங்கு படங்களில் நடித்தபோது கதைகளை தேர்வு செய்யும் முறையில் சில தவறுகளை செய்தேன். வணிக படங்கள்தான் ரசிகர்களுக்கு பிடிக்கும் என்று நினைத்து அதுமாதிரியான படங்களை தேர்வு செய்து நடித்தேன்.

ஆஸ்கர் யூடியூப் கமிட்டிக்கு பணம் கொடுத்தாரா சூர்யா..?: வெளியான பரபரப்பு தகவல்!
அதுதான் நான் செய்த தவறு. அதன் பிறகு நான் என்ன மாதிரி படங்களைப் பார்க்க விரும்புகிறேனோ, அதுபோன்ற கதைகளை தேர்வு செய்து நடிக்க ஆரம்பித்தேன். அது எனக்கு சாதகமாக அமைந்தது. ஆனாலும் ஒரு ரசிகையின் பார்வையில் இருந்து நான் மாறவில்லை.

கதை கேட்கும்போது நடிகையாக கேட்காமல், பார்வையாளராகவே என்னை நினைத்துக்கொண்டு கேட்டு அதில் நடிக்கலாமா? நடிக்க வேண்டாமா? என்று முடிவு செய்கிறேன். இந்தி படங்களில் தொடர்ந்து நடித்துக் கொண்டிருந்தாலும் தென்னிந்திய சினிமாவை ஒதுக்கவில்லை. தமிழ், தெலுங்கில் வருடத்துக்கு ஒருபடம் நடிப்பேன்” இவ்வாறு தெரிவித்துள்ளார் டாப்ஸி.