மன அழுத்தத்தில் இருந்து விடுபட நடிகை தமன்னா தரும் டிப்ஸ்!

மன அழுத்தத்தால் பாதிப்பட்டவர்களுக்கு இதைச் செய்தால் அதிலிருந்து விடுபடலாம் என்று நடிகை தமன்னா தீர்வு ஒன்றை கூறியுள்ளார்.

நடிகை தமன்னா தமிழ் சினிமாவில் முன்னணி நடிகையாக இருந்து வருகிறார். இவர் 2006ல் ‘கேடி’ என்ற படம் மூலம் தமிழில் அறிமுகமானார். அப்போது முதல் இப்போது வரை தோற்றத்தில் அப்படியே இருந்து வருகிறார். அதற்கு என்ன காரணம் என்று அவரே கூறியுள்ளார்.

‘‘சினிமா என்பது கடும் போட்டிகள் நிறைந்த ஒரு தொழில். இதில் அதிக நெருக்கடிகள் மற்றும் போட்டிகள் இருந்து கொண்டே இருக்கும். இந்த தொழிலில் ஈடுபட்டுள்ளவர்கள் சரியாக தூங்க முடியாது. சரியான நேரத்திற்கு சாப்பிடவும் முடியாது. இதனால் மன ரீதியாகவும், உடல் ரீதியாகவும் பிரச்சனை உண்டாகும். இதனைத் தடுக்க நான் தினமும் காலை ஒரு மணிநேரம் உடற்பயிற்சி செய்வேன்.

அதில் அரைமணி நேரம் சாதாரண உடற்பயிற்சிகள் செய்வேன். கடைசி அரைமணி நேரத்தில் யோகா, தியானம் செய்வேன். இதனால் உடலில் இருக்கும் வி‌ஷ பொருட்கள் வெளியேறும். சருமம் அழகாகும். மனஉளைச்சல் குறையும். யோகா தான் மன அழுத்தத்தில் இருந்து விடுபட ஒரே மருந்து என தமன்னா கூறியுள்ளார்.