18 வருட பயணம், சற்றும் குறையாத மாஸ்! த்ரிஷா 37வது பிறந்தநாள் ஸ்பெஷல்

பொதுவாகவே நடிகைகள் என்றால் ஒரு சில வருடங்கள் மட்டுமே ஹீரோயினாக நடிப்பார்கள், அதன் பிறகு மவுசு குறைந்துவிட்டால்அக்கா, அண்ணி என குணச்சித்திர வேடத்தில் நடிக்க தான் வாய்ப்பு கிடைக்கும்.

இது தமிழ் சினிமாவில் எழுதப்படாத விதி என்று சொல்லலாம். ஆனால் அதனை உடைத்த ஒரு சில நடிகைகளில் த்ரிஷாவும் ஒருவர்.

2002ல் வெளிவந்த மௌனம் பேசியதே தான் இவரது முதல் படம். அவர் அதற்கு முன்பு லேசா லேசா, உனக்கு 20, எனக்கு 18 ஆகிய படங்களில் நடிக்க துவங்கினார். ஆனால் அவை தாமதமாக ரிலீஸ் ஆனதால் மௌனம் பேசியதே படம் தான் முதல் படம் ஆனது. அதற்கு முன்பே அவர் ஜோடி படத்தில் சிம்ரனின் தோழியாக சில காட்சிகளில் தலையைகாட்டியிருப்பார்.

அதன் பிறகு சாமி, கில்லி, திருப்பாச்சி என படங்களில் நடித்ததன் மூலம் தமிழ் சினிமாவில் புது உயரத்திற்கே சென்றார் த்ரிஷா. அதே சமயத்தில் தெலுங்கிலும் அறிமுகம் ஆகி முன்னணி நடிகையாக வலம் வந்தார் த்ரிஷா.

விஜய், அஜித், பிரபாஸ், மகேஷ் பாபு, ரஜினி என தென்னிந்திய சினிமாவின் டாப் ஹீரோக்கள் அனைவருடனும் நடித்துவிட்டார் த்ரிஷா. அவர் சினிமாவில் நடிக்கவந்து கிட்டத்தட்ட 18 வருடங்களுக்கு மேல் ஆகிவிட்டது, தற்போதும் தனக்கான இடத்தை தக்கவைத்து கொண்டுள்ளார்.

தற்போது தனக்கு அதிகம் முக்கியத்துவம் உள்ள படங்களை மட்டும் அதிகம் தேர்ந்தெடுத்து நடித்து வருகிறார் த்ரிஷா. பரமபதம் விளையாட்டு, கர்ஜனை, ராங்கி என பல ஹீரோயின் சென்ட்ரிக் படங்களில் அவர் தற்போது நடித்துள்ள நிலையில் அவை ரிலீஸுக்கு தயாராகி வருகின்றன.

இன்று மே 4ம் தேதி, த்ரிஷாவின் பிறந்தநாள் என்பதால் ரசிகர்கள் சமூக வலைத்தளங்களில் வாழ்த்து தெரிவித்து வருகின்றனர். மௌனம் பேசியதே சந்தியா முதல் 96 ஜானு வரை த்ரிஷா தனது கியூட்டான நடிப்பால் ரசிகர்களை கவர்ந்தவர் என பாராட்டி வருகின்றனர்.

அவரது ரசிகர்களின் சில ட்விட்கள் இதோ..