புது அவதாரம் எடுக்கும் வனிதா விஜயகுமார்: பவர் ஸ்டாருடன் இணைந்து வைரல் ஸ்டார் ஆகிறார்!

நடிகை வனிதா விஜயகுமார் பிக்பாஸ் சீசன் 3 நிகழ்ச்சியில் பங்கேற்ற பிறகு சின்னத்திரை இருந்து வாய்ப்புகள் குவிய ஆரம்பித்தன. அதனை தொடர்ந்து சினிமாவிலும் தொடர்ச்சியாக வாய்ப்புகள் வந்த வண்ணம் உள்ளன. இந்நிலையில் வனிதா விஜயகுமார், பவர் ஸ்டாருடன் இணைந்து நடிக்கும் புதிய படத்தின் போஸ்டரை தனது இன்ஸ்டாகிராம் பக்கத்தில் பகிர்ந்துள்ளார்.

பிக்பாஸ் நிகழ்ச்சியில் பங்கேற்ற போதே பல சர்ச்சைகள் வனிதாவை சுற்றி அரங்கேறின. அவருக்கு ஆதரவாகவும், எதிராகவும் வலைத்தளத்தில் பலரும் பதிவுகள் பகிர்ந்து வந்தனர். அதன்பின்னர் பிக்பாஸில் இருந்து வெளிய வந்த பிறகு குக் வித் கோமாளி, கலக்கப்போவது யார்? பிக்பாஸ் ஜோடிகள் என பல்வேறு நிகழ்ச்சிகளில் பங்கேற்று வந்தார்.

இந்நிலையில் அண்மையில் பிக்பாஸ் ஜோடிகளில் ரம்யா கிருஷ்ணனுடன் ஏற்பட்ட மோதல் காரணமாக விலகுவதாக அறிவித்தார் வனிதா. இந்த சம்பவம் சமூக வலைத்தளத்தில் பரபரப்பாக பேசப்பட்டது. இந்நிலையில் அண்மையில் நடிகர் பவர் ஸ்டாருடன் திருமண கோலத்தில் இருப்பது போன்ற புகைப்படத்தை தனது இன்ஸ்டாகிராம் பக்கத்தில் பகிர்ந்திருந்தார் வனிதா. இந்த போட்டோ இணையத்தில் பெரும் வைரலானது.

சூர்யாவின் உயரத்தை கேலி செய்த நெட்டிசன்: சனம் ஷெட்டியின் வேற லெவல் பதிலடி!
இந்நிலையில் அந்த போட்டோவிற்கான காரணம் தற்போது வெளிவந்துள்ளது. அதாவது பவர் ஸ்டார் சீனிவாசனுடன் இணைந்து நடிக்கும் புதிய படத்திற்கான போஸ்டரே அது. பிக்கப் ட்ராப் என தலைப்பிடப்பட்டுள்ள இந்த படத்தை பவர் ஸ்டார் சீனிவாசனே இயக்குகிறார். இந்நிலையில் இந்த படத்தின் பர்ஸ்ட் லுக் போஸ்டரை தனது இன்ஸ்டாகிராம் பக்கத்தில் பகிர்ந்துள்ளார் வனிதா.


மேலும் இந்த படத்தின் மூலம் வைரல் ஸ்டார் ஆகிறார் வனிதா. படத்தின் பர்ஸ்ட் லுக் போஸ்டரில் வைரல் ஸ்டார் வனிதா விஜயகுமார் நடிக்கும் என குறிப்பிடப்பட்டுள்ளது. மேலும் பவர் ஸ்டாருடனான மற்றொரு போட்டோவையும் தனது டிவிட்டர் பக்கத்தில் ஷேர் செய்துள்ளார் வனிதா. இந்த புகைப்படங்கள் தற்போது இணையத்தில் வைரலாகி வருவது குறிப்பிடத்தக்கது.