Makkal Selvi: 'மக்கள் செல்வி’ பட்டம் பெற்ற வரலட்சுமி; அரசியலில் களமிறங்க தீவிர ஆர்வம்!

நடிகர் சரத்குமாரின் மகளான வரலட்சுமி, பல்வேறு படங்களில் ஒப்பந்தமாகி நடிப்பில் பிஸியாக இருக்கிறார். இந்நிலையில் அரசியலுக்கு வர வேண்டும் என்று ஆசை உள்ளது. அதற்கான திறன்களை வளர்த்துக் கொண்டு, உரிய நேரத்தில் வருவேன் என்று கூறியிருந்தார்.

இன்னும் திருமணம் ஆகாத நிலையில், இன்று தனது 34வது பிறந்தநாளைக் கொண்டாடுகிறார். இதையொட்டி ‘டேனி’ படத்தின் ஃபர்ஸ்ட் லுக் போஸ்டர் வெளியாகியுள்ளது. இந்தப் படம் மூலம் வரலட்சுமிக்கு ‘மக்கள் செல்வி’ என்ற பட்டம் வழங்கப்பட்டுள்ளது.

நடிகைகளில் யாருக்கும் பட்டம் வழங்கப்படும் நடைமுறை இல்லாத நிலையில், திரையுலகில் புது டிரெண்டாக பார்க்கப்படுகிறது.

செல்வி ஜெயலலிதாவின் இடத்தைப் பிடிக்க ஆர்வம் காட்டும் வரலட்சுமிக்கு, அவரது சுயசரிதை படத்தில் நடிக்க வாய்ப்பு வந்தது. ஆனால் அது சசிகலா கேரக்டருக்கு மட்டுமே என்பது குறிப்பிடத்தக்கது.