நீச்சல் குளத்தில் ஜாலி ஆட்டம் போட்ட யாஷிகா: வைரலாகும் வீடியோ!

துருவங்கள் பதினாறு, கவலை வேண்டாம் உள்ளிட்ட படங்களில் நடித்த நடிகை யாஷிகா ஆனந்த், தனது கிளாமரான நடிப்பால் ரசிகர்களை தன்பக்கம் ஈர்த்தவர். அதன்பின்னர் பிக்பாஸ் நிகழ்ச்சி மூலம் பிரபலமான யாஷிகா கடந்த சில மாதங்களுக்கு முன்பாக மோசமான கார் விபத்து ஒன்றில் சிக்கினார்.

கடந்த ஜூலை 25ம் தேதி அதிகாலை ஒரு மணி அளவில் நண்பர்களுடன் பார்ட்டி ஒன்றிற்கு சென்றுவிட்டு புதுச்சேரியில் இருந்து காரில் சென்னை நோக்கி வந்துள்ளார். அப்போது அதிவேகாமாக வந்த யாஷிகாவின் கார் கிழக்கு கடற்கரை சாலையில் உள்ள சூளேறிக்காடு என்ற பகுதி அருகே கட்டுப்பாட்டை இழந்து தடுப்பு சுவரில் விபத்துக்குள்ளானது. இந்த விபத்தில் யாஷிகா ஆனந்தின் தோழியான ஐதராபாத்தைச் சேர்ந்த பெண் இன்ஜினியர் வள்ளி செட்டி பவணி விபத்தில் சம்பவ இடத்திலேயே உயிரிழந்தார்.

விபத்தில் படுகாயம் அடைந்த யாஷிகா ஆனந்த் சென்னையில் உள்ள பிரபல தனியார் மருத்துவமனையில் சிகிச்சை பெற்றார். அவருக்கு இடுப்பு, முதுகு, வயிறு, கால் என பல இடங்களிலும் எலும்பு முறிவு ஏற்பட்டதை தொடர்ந்து அறுவை சிகிச்சை செய்யப்பட்டது.

என் படத்துல வேலை செய்பவர்களை டார்கெட் பண்றாங்க: பா. ரஞ்சித் பரபரப்பு குற்றச்சாட்டு!
மருத்துவமனையில் அறுவை சிகிச்சைக்கு பின் வீடு திரும்பியுள்ள யாஷிகா கொஞ்சம் கொஞ்சமாக உடல்நலம் தேறி வருகிறார். அவ்வப்போது தன்னுடைய உடல் நிலை குறித்து தொடர்ந்து தனது சமூக வலைதள பக்கத்தில் பதிவிட்டுவந்தார். அண்மையில் நடத்த ஒரு கடை நிகழ்ச்சிக்கு கையில் வால்கிங் ஸ்டிக்குடன் நடந்து வந்தார் யாஷிகா. இது தொடர்பான வீடியோக்கள் இணையத்தில் வெளியாகி வைரலானது.


இந்நிலையில் யாஷிகா தற்போது நீச்சல் குளத்தில் ஜாலியாக நீராடும் வீடியோ ஒன்றை தனது இன்ஸ்டாகிராம் ஸ்டோரியில் பதிவிட்டுள்ளார். அதில் அவரது தங்கை மற்றும் நாய் குட்டியுடன் சந்தோசமாக இருக்கும் காட்சிகளும் இடம்பெற்றுள்ளன. இந்த வீடியோவால் யாஷிகா பூரணமாக உடல்நலம் தேறிவிட்டார் என ரசிகர்கள் கருதுகின்றனர். இந்த வீடியோ தற்போது இணையத்தில் வைரலாகி வருகிறது.