துருவ் விக்ரம் பிறந்த நாளுக்கு சர்ப்ரைஸ் கொடுக்கும் படக்குழு!

சீயான் விக்ரம் மகன் துருவ் விக்ரம் நடிப்பில் உருவாகியுள்ள படம் ஆதித்ய வர்மா. தெலுங்கில் சூப்பர் டூப்பர் ஹிட் பெற்ற, 'அர்ஜுன் ரெட்டி' படத்தின் ரீமேக்காக இப்படம் எடுக்கப்பட்டுள்ளது. E4 என்டர்டெயன்மென்ட் நிறுவனம் தயாரித்துள்ள இந்த படத்தை கிரிசாய்யா இயக்கியுள்ளார்.

இதில் துருவ் விக்ரமுக்கு ஜோடியாக பாலிவுட் நடிகை பனிதா சந்து நடித்துள்ளார். விறுவிறுப்பாக நடைபெற்று வந்த படத்தின் ஷூட்டிங் பணிகள் அனைத்தும் முடிந்த நிலையில் தற்போது ரிலீஸ்க்கு தயாராக உள்ளது. சமீபத்தில் படத்தின் ட்ரைலர் வெளியாகி ரசிகர்களின் எதிர்பார்ப்பை எகிற செய்துள்ளது.

பாலிவுட்டில் ரீமேக்காகும் கோமாளி! ஹீரோ இவர் தானா?

இந்த நிலையில் துருவ் விக்ரம் வரும் திங்கள்கிழமை தனது 24வது பிறந்தநாளைக் கொண்டாடவுள்ளார். அதையொட்டி அவருக்கு சர்பிரைஸ் கொடுக்கும் விதமாக 'ஆதித்ய வர்மா' படத்தின் இரண்டாவது சிங்கிள் பாடலை படக்குழு வெளியிட முடிவு செய்துள்ளனர். இந்த அறிவிப்பைப் படக்குழு தனது ட்விட்டர் பக்கத்தில் அறிவித்துள்ளது.


முன்னதாக துருவ் விக்ரம் தனது குரலில் பாடியுள்ள 'எதற்கடி வலி தந்தாய்' என்ற பாடலை படக்குழு வெளியிட்டுள்ளனர். அதில் இடையே வரும் ஆங்கில ராப் வரிகளையும் அவரே எழுதியுள்ளார் என்பது குறிப்பிடத்தக்கது.