Amala Paul: விடாமல் துரத்தும் ஆடை மோகம்: வித்தியாசமாக உடை அணிந்து வந்த அமலா பால்!

இயக்குனர் ரத்னகுமார் இயக்கத்தில் அமலா பால் நிர்வாண கோலத்தில் நடித்திருந்த படம் ஆடை. படம் வெளியாவதற்கு முன்னதாக பல சர்ச்சைகளை சந்தித்தாலும் படம் வெளியானதும் படத்திற்கு அமோக வரவேற்பு கிடைத்து வருகிறது. விமர்சன ரீதியாக ரசிகர்களிடையே நல்ல வரவேற்பு பெற்ற இப்படம் பாக்ஸ் ஆபிஸ் வசூலில் தோல்வியடைந்துள்ளது. இதற்கு காரணம் வழக்கம் போல் தமிழ் ராக்கர்ஸ் இணையதளத்தில் படம் வெளியானது தான். எந்தவொரு புது படம் வெளியானாலும் அந்தப் படத்தை தமிழ் ராக்கர்ஸ் நிறுவனம் தனது இணையதளத்தில் பதிவேற்றிவிடும். அதே போன்று தான் கடந்த 19ம் தேதி வெளியான ஆடை, கடாரம் கொண்டான் ஆகிய படங்களை தமிழ் ராக்கர்ஸ் இணையதளம் தங்களது இணையதளத்தில் பதிவேற்றியுள்ளது.

Aadai: நான் அப்படிப்பட்ட பொண்ணு கிடையாது: தெறிக்கவிட்ட அமலா பால்!


இதன் காரணமாக படத்தின் வசூல் பாதிக்கப்பட்டுள்ளது. படம் வெளியானதும், வித்தியாசமாக மாறுவேடம் அணிந்து கொண்டு தனது படம் மற்றும் நடிப்பு எப்படியிருக்கிறது என்று ரசிகர்களிடம் விமர்சனம் கேட்டுக்கொண்டார். இந்த நிலையில், பிரபலங்களுக்கு என்று ஆடை படத்தின் காட்சி ஏற்பாடு செய்யப்பட்டது. அதில் 'ஆடை' படத்தில் நடித்தது குறித்தும், காமினி கதாபாத்திரத்தைக் குறித்தும் நடிகை அமலா பால் கூறியதாவது:

Nerkonda Paarvai: 24 மணி நேரத்தில் விஜய்யின் சாதனையை முறியடித்த தல!


காமினி கதாபாத்திரத்தில் எனக்கு மிகவும் பிடித்தது அவளுடைய நேர்மை தான், 'ஆடை' ஒரு உண்மையான படம். ஆடை என்பது நம் உடலை மறைப்பதற்கான ஒரு பொருள். ஆனால் இந்த 'ஆடை' பல உண்மைகளை காண்பிப்பதற்காக எடுத்தது என்று கூறலாம். இப்படம் மூலம் அனைவரும் உணர்ந்த விஷயம் எதுவென்றால், அது “பிராங்க் நிகழ்ச்சியைப் பற்றிய கூறியிருந்த கருத்து தான். இப்படத்திலேயே அதுகுறித்த வசனமும், அதாவது பிராங்க் என்றால் நமக்கு தெரிந்தவர்களிடம் செய்வது தான் பிராங்க், தெரியாதவர்களிடம் செய்வது தொல்லை என்று.

Jackpot: கபாலி ஸ்டைலில் ஜாக்பாட்: வைரலாகும் கோட்டையில் நம்ம கொடி பறக்குதா பாடல்!


இந்த அனுபவம் எல்லோருக்குள்ளும் ஏற்பட்டிருக்கும் என்று நினைக்கிறேன். ஆகையால் தான் இந்த கருத்துடன் அவர்களால் தொடர்புபடுத்திப் பார்க்க முடிகிறது. மேலும், இப்படத்தில் பெண்ணியம் பற்றி பேசவில்லை. காமினி என்ற பெண் சுதந்திரமான, தைரியமிக்க துணிச்சலான பெண், இரண்டு சக்கர வாகனம் ஓட்டுவாள், இதெல்லாம் பெண்ணியம் என்ற வார்த்தைக்கு அர்த்தம் கிடையாது. காமினி அவளுடைய அம்மா பெண்ணியம் பற்றி கேட்கும்போது கூட இதுதான் பெண்ணியம் என்று காமினி கூறவில்லை.

இன்னும் கூறவேண்டுமானால் இந்த உலகத்தில் பெண்ணியம் என்ற வார்த்தை தவறாக பயன்படுத்தப்படுகின்றது. நானும் இந்த படத்தில் நடிக்கும்போது இது பெண்ணியம் சார்ந்த படம் என்று நினைக்கவில்லை. காமினி என்கிற ஒரு பெண்ணின் வாழ்க்கையில் எப்படிப்பட்ட மாற்றம் நிகழ்கிறது என்பதைக் காட்டுவது தான் இப்படம் என்று தெள்ளத்தெளிவாக விளக்கிக் கூறியுள்ளார் என்பது குறிப்பிடத்தக்கது.