சமூக அக்கறையுடன் படம் எடுக்கும் சமுத்திரக்கனியின் தொண்டன் வரும் 26ல் ரிலீஸ்

சமுத்திரக்கனியின் தொண்டன் வரும் 26ம் தேதி திரைக்கு வரவுள்ளது.

கடந்த 5ம் தேதி வெளியாக இருந்த சமுத்திரக்கனியின் தொண்டன் மற்றும் கொளஞ்சி ஆகிய படங்கள், பாகுபலி2க்கு வழிவிட்டு ஒதுங்கிவிட்டன. இப்படங்களுடன் சேர்த்து, ஆரம்பமே அட்டகாசம்’, ‘எய்தவன்’ உட்பட மேலும் சில படங்களும் மே 5 வெளியாக இருந்தன. ஆனால், பாகுபலி2க்கு இருந்த வரவேற்பைத் தொடர்ந்து இப்படங்களுக்கு தியேட்டர் கிடைக்காமல் போய்விட்டது. இதன் காரணமாக இப்படங்களின் ரிலீஸ் தேதியில் மாற்றம் ஏற்பட்டது.

இந்நிலையில் சமுத்திரக்கனியின் தொண்டன் வரும் 26ம் தேதி வெளியாகும் என்று அறிவிக்கப்பட்டு அதற்கான போஸ்டர் வெளியிடப்பட்டுள்ளது. சமூக அக்கறையுடன் படம் எடுக்கும் சமுத்திரக்கனியுடன் இணைந்து விக்ராந்தும் இப்படத்தில் நடித்துள்ளார். இப்படத்தில், சூரி, சுனைனா, தம்பி ராமையா ஆகியோர் பலர் நடித்துள்ளனர்.